.png "Win Recruit Nepal"){kind=logo}
गोरखा । राष्ट्रिय स्वतन्त्र पार्टी (रास्वपा) गोरखा नगरपालिका वडा नं. ९ को प्रथम वडा अधिवेशनबाट नयाँ कार्यसमिति सर्वसम्मत चयन भएकाे छ । शनिबार गोरखाकाे ठिउरेश्वारा सम्पन्न अधिवेशनले मोहन सिंह बस्नेतको सभापतित्वमा नयाँ वडा कार्यसमिति सर्वसम्मत चयन गरेको हाे ।
अधिवेशनबाट उपसभापतिमा सुशिला कुँवर, सचिवमा विनोदबाबु बस्नेत चयन भएका छन् । सदस्यहरूमा गणेश थापा, गंगा बस्नेत, होम व. खत्री, राम बहादुर श्रीमल, लाल बहादुर राना, पुरुषोत्तम कुँवर, डोल व. भण्डारी र उमा श्रीमल चयन भएका छन् ।
यस्तै, समितिको सल्लाहकार सदस्यहरूमा प्रल्हाद खत्री र अम्बरमान सिंह बस्नेतलाई चयन गरिएको छ ।
अधिवेशन सम्पन्न गर्नका लागि पार्टीका केन्द्रीय समिति सदस्य बिश्वास पोखरेलको संयोजकत्वमा ३ सदस्यीय निर्वाचन मण्डल गठन गरिएको थियो । उक्त मण्डलमा प्रदेश विभागीय सदस्य कृष्ण व. थापा र गोरखा नगर-काठमाडाैँ सभापति योगेन्द्रजंग बस्नेत सदस्य रहेका थिए । निर्वाचन मण्डलले नवनिर्वाचित कार्यसमितिलाई आधिकारिकता प्रदान गर्ने निर्णय गरेको छ ।
अधिवेशनले पार्टीको निर्देशन अनुसार आगामी स्थानीय तहको निर्वाचनलाई लक्षित गरी विशेष निर्णय समेत गरेको छ । स्थानीय स्तरमा उम्मेदवार बन्न इच्छुक पार्टी सदस्यहरूबाट आवेदन आह्वान गर्ने र क्लस्टरमार्फत उम्मेदवारी अगाडि बढाउने निर्णय गरिएको छ ।
नवनिर्वाचित वडा सभापति बस्नेतले वडामा पार्टीको संगठन विस्तार र स्थानीय समस्या समाधानका लागि सक्रिय भएर लाग्ने प्रतिबद्धता व्यक्त गरेका छन् । कार्यक्रममा उपस्थित नेता तथा कार्यकर्ताहरूले नयाँ कार्यसमितिलाई सफल कार्यकालको बधाई तथा शुभकामना व्यक्त गरेका थिए ।
1679298112.jpg)
1674115170.jpg)
.jpg)
1691312161.jpg)
.jpg)
प्रतिक्रिया गर्न लग इन गर्नु होस्:
Log in with Google