.png "Win Recruit Nepal"){kind=logo}
चितवन । राष्ट्रिय स्वतन्त्र पार्टी (रास्वपा) का सभापति तथा पूर्वगृहमन्त्री रवि लामिछानेले गृहमन्त्रीको पदभारमा रहँदा गरेका निर्णयहरु कुनै पनि प्रश्न खडा गर्ने खालको नभएको बताएका छन् ।
सोमबार चितवनको सौरहामा भएको केन्द्रीय प्रशिक्षण कार्यक्रममा बोल्दै लामिछानेले निर्णयमा हस्ताक्षर गर्दा विवादित निर्णयमा हस्ताक्षर नै नगरेको र गरेका निर्णयमा प्रश्न उठ्ने ठाउँ नरहेको बताएका हुन् ।
उनले भने, ‘पदको लोभ यसकारण छ । जुन पदमा पुगेर जनताको सेवा गर्न पाइन्छ। मैले गृहमन्त्री बन्दा ४०/४१ वटा हस्ताक्षर गरेको रहेछु । त्यो हस्ताक्षर गरेको निर्णयहरुमा एउटा पनि प्रश्न आएको छ भने म सामना गर्न सक्छु ।’
देशमा आएको राजनीतिक उथलपुथलले रास्वपालाई हजारौं समस्या र चुनौती ल्याएको बताउँदै सभापति लामिछानेले यस्ता प्रत्येक चुनौती र समस्यालाई पन्छाउँदै यहाँसम्म आइपुग्न सकेकोमा गर्व गर्नुपर्ने बताए ।
अन्य राजनीतिक दलले अहिलेसम्म नभोगेका समस्या रास्वपाले ७ महिनामै भोगेको समेत लामिछानेले बताए ।
चितवनको सौरहामा आइतबार (हिजो) देखि सुरु भएको प्रशिक्षण कार्यक्रम सोमबार (आज) समापन हुने रास्वपाकी केन्द्रीय सदस्य बिन्दबासिनी कंसाकारले जानकारी दिइन् ।
1679298112.jpg)
1674115170.jpg)
.jpg)
1691312161.jpg)
.jpg)
प्रतिक्रिया गर्न लग इन गर्नु होस्:
Log in with Google