.png "Win Recruit Nepal"){kind=logo}
काठमाडाैँ । नागरिक उन्मुक्ति पार्टी नाउपाले अध्यक्ष रञ्जिता श्रेष्ठलाई बर्खास्त गर्दै लालवीर चाैधरीलाई नयाँ अध्यक्ष चयन गरेको छ । काठमाडाैंमा भएको राष्ट्रिय भेलाले श्रेष्ठलाई हटाएर लालवीरलाई अध्यक्ष चुनेको हो । नाउपाका सांसदसमेत रहेका लालवीर रेशम चाैधरीका बुबा हुन् । उनी बर्दियाबाट निर्वाचित भएका थिए ।
अध्यक्ष चुनिएपछि पत्रकारसँग लालवीरले भने, 'पार्टीको अवस्था र परिस्थितिले गर्दा हामीले यो निकास खोजेका हौँ,डेढ वर्षदेखि बैठक नडाकेकाले पार्टी अनिर्णयको बन्दी बनेको थियो । रुपन्देहीमा उपनिर्वाचन आइसकेको अवस्थामा उम्मेदवारी दिने प्रक्रिया अघि बढाउन पनि यो निर्णय आवश्यक थियो ।’
यता रञ्जिताले भने भेला अवैध भएको जिकिर गरेकी छन् । उनले आज मात्रै संसदीय दलका नेता गंगाराम चाैधरीलाई स्पष्टीकरण सोधेकी थिइन् । पछिल्लोपटक घुस प्रकरणमा मुछिएपछि श्रेष्ठ विवादमा तानिएकी छन् । यद्यपि श्रीमान् श्रीमतीसमेत रहेका चाैधरी र श्रेष्ठबीच पार्टी राजनीतिलाई लिएर लामो समयदेखि विवाद चल्दै आएको छ ।
टीकापुर हत्याकाण्डका मुख्य योजनाकार ठहर रेशमले जेलमै रहेका बेला श्रीमतीलाई अध्यक्ष बनाएर पार्टी खोलेका थिए । हाल राष्ट्रपतिबाट आममाफी पाएर रेशम जेलबाहिर छन् । जेलबाट छुटेपछि उनले टीकापुरमै नाउपाको महाधिवेशन गरेर आफैँ अध्यक्ष बनेका थिए ।
तर हत्या मुद्दामा दोषी ठहर व्यक्ति राजनीतिक दलको सदस्य हुनै नसक्ने भन्दै निर्वाचन आयोगले श्रेष्ठकै नेतृत्व ब्युँताएको थियो । अहिले रेशमको आममाफीविरुद्ध पनि मुद्दा विचाराधीन छ । कुनै पनि समय आममाफी बदर हुने त्रासमा रहेका रेशम शीर्ष नेताहरूसँग बारम्बार भेटिरहन्छन् । आज कांग्रेस सभापति शेरबहादुर देउवासँग भएको भेटलाई पनि उनले महत्त्वपूर्ण राजनीतिक भेटघाट भनेका छन् । आफू राजनीतिक पदमा आउन नमिल्ने भएपछि रेशमले सुरुमा श्रीमतीलाई अघि सारेका थिए । अहिले बुबालाई अघि सारेका छन् ।
1679298112.jpg)
1674115170.jpg)
.jpg)
1691312161.jpg)
.jpg)
प्रतिक्रिया गर्न लग इन गर्नु होस्:
Log in with Google