.png "Win Recruit Nepal"){kind=logo}
काठमाडाैं । प्रहरीबाट पक्राउ परेपछि हिरासतमा बस्नुपर्ने व्यक्ति स्वास्थ्यको कारण देखाउँदै अस्पताल जाने प्रवृत्तिबारे उपप्रधान एवं गृहमन्त्री रवि लामिछानेले नेपाल मेडिकल काउन्सिलका प्रतिनिधिसँग छलफल गरेका छन् । काउन्सिलका प्रतिनिधिलाई मन्त्रालयमा आमन्त्रण गरी मन्त्री लामिछानेले स्वस्थ व्यक्तिसमेत हिरासत छल्न अस्पतालमा बस्ने प्रवृत्ति रोक्न काउन्सिलबाट सुझाव लिएको उनको सचिवालयले जनाएको छ ।
सो क्रममा लामिछानेले विदेशका व्यवस्थासहित नेपालमा हालसम्म भएका घटना र प्रवृत्तिको अध्ययन बेथिति न्यूनीकरणका उपायसहितको प्रतिवेदन दिन आग्रह गरे । यसबारे मन्त्रालयले सोमबार काउन्सिललाई पत्राचार गर्नेछ। छलफलमा सहभागी काउन्सिलका सदस्य डा कुञ्जाङ शेर्पाले यो प्रवृत्तिबारे गृह मन्त्रालयले पहिलोपटक चासो राखेको जानकारी दिए ।
मन्त्रालयमा भएको छलफलमा डा शेर्पासहित काउन्सिलका सदस्यहरू डा रूपक घिमिरे, डा प्रणय रत्न शाक्य र डा कालुसिंह खत्री सहभागी थिए । पछिल्लो समय पूर्वसभामुख कृष्ण बहादुर महरा पक्राउ परेपनि उनी हिरासतमा बसेका थिए ।
1679298112.jpg)
1674115170.jpg)
.jpg)
1691312161.jpg)
.jpg)
प्रतिक्रिया गर्न लग इन गर्नु होस्:
Log in with Google