.png "Win Recruit Nepal"){kind=logo}
काठमाडौं । नेपाली कांग्रेसका नेता नैनसिंह महरले नेपालकाे राजनीतिज्ञमा पछिल्लो समय राजनीतिक नैतिकताको खडेरी देखिएको बताएका छन् । प्राज्ञिक विमर्श समूहले काठमाडौंको कीर्तिपुरमा आयोजना गरेको लोकतन्त्र र नैतिकता विषयक बहसमा नेता महरले राजनीतिज्ञमा नैतिकता मुख्य विषय भए पनि त्यसमा ह्रास हुने क्रम बढ्दो रहेको बताए ।
'२०१७ साल पछाडि सार्वजनिक ओहदामा रहेका व्यक्ति वा कुनै संस्थामाथि नैतिकरूपमा प्रश्न उठेको छ भने उनीहरूमाथि छानबिन हुनुपर्छ । कारबाही सिफारिसका लागि उच्चस्तरीय छानबिन समिति बनाउनुपर्छ,' उनले भने ।
सदनमा लामो समयदेखि उच्चस्तरीय छानबिन समितिको कुरा उठेको र जनताले पनि यो विषय उठाइरहेकोमा सांसदहरूको गैरजिम्मेवार व्यवहारका कारण समिति गठन हुन सकेको उनको भनाइ छ । देशप्रति सांसदहरू जिम्मेवार देखिनु आवश्यक रहेकोको उनको जोड छ । यद्यपि, उच्चस्तरीय छानबिन समिति बन्न नसकेको उनी बताउँछन् ।
नैतिक भ्रष्टिकरण भएका व्यक्तिहरूका कारण पनि देशलाई गम्भीर असर पारिरहेको उनको ठहर छ । 'कानुन र नैतिकता अलि फरक हुन् । कानुनभित्र परेको मान्छेलाई कारबाही गर्न सकिन्छ । नैतिकता भनेको उसले पालना गर्ने आचरण हो,' उनले भने, 'व्यक्तिले गुमाएको नैतिकताका कारणले समाजमा समस्या पैदा गरिरहेको हुन्छ ।'
1679298112.jpg)
1674115170.jpg)
.jpg)
1691312161.jpg)
प्रतिक्रिया गर्न लग इन गर्नु होस्:
Log in with Google