.png "Win Recruit Nepal"){kind=logo}
काठमाडौं । नेपाली कांग्रेसका सांसद मोहनबहादुर बस्नेतले आत्मदाह गरेर ज्यान गुमाएका इलामका प्रेमप्रसाद आचार्यका श्रीमतीलाई रोजगारी र छोरीहरुलाई निःशुल्क शिक्षा दिने घोषणा गरेका छन् ।
बुधबार बसेको प्रतिनिधि सभा बैठकको विशेष समयमा बोल्दै सांसद बस्नेतले आचार्यले राज्य सञ्चालकलाई चुनौती दिँदै आत्मदाह गरेको बताए । उनकी श्रीमती नानुका आचार्यलाई रोजगारीको व्यवस्था गर्ने, १२ वर्षकी र ६ वर्षकी छोरीका लागि निःशुल्क शिक्षाको व्यवस्था गर्ने जानकारी गराए ।
उनले स्नातक तहसम्म निजी स्कुलमा राखेर निःशुल्क शिक्षा दिने घोषणा गरेका छन् । आर्चाय परिवार अहिले काजक्रियाका लागि इलाम रहेको र उताबाट काठमाडौं फर्किएर आएपछि रोजगारी र शिक्षाको व्यवस्था गर्ने बताएका छन् ।
उनले आफूले जुरे पहिरोमा बाँच्न सफल एकजना बालिकालाई नर्स पढाउनका लागि हालसम्म १२ सम्म पठाएको र अब नर्सिङ पढाउने क्रममा रहेको बताए । उनले महानगरपालिकाले मकै पोल्ने गाढा खोसिएका पीडितलाई सहयोग गरेको बताए । उनले आत्मदाह गरेका आचार्यले भनेका कुराहरुलाई राज्यले गम्भीर भएर काम गर्नुपर्नेमा जोड दिए ।
1679298112.jpg)
1674115170.jpg)
.jpg)
