.png "Win Recruit Nepal"){kind=logo}
काठमाडाैँ । नेकपा एमालेबाट निष्कासित नेता भीम रावलले आफूलाई पार्टीबाट निकाल्ने अध्यक्ष केपी शर्मा ओलीको तानाशाही निर्णयको पार्टी कार्यकर्ता र जनसमुदायले विरोध गर्नेमा विश्वस्त रहेको बताएका छन् ।
बुधबार बसेको एमाले सचिवालय बैठकले रावललाई एमालेको साधारण सदस्यसमेत नरहनेगरी निष्कासन गर्ने निर्णय गरेको थियो । त्यसप्रति बिहीबार सामाजिक सञ्जालमार्फत प्रतिक्रिया जनाउँदै रावलले पार्टीका इमान्दार कार्यकर्ता र जनसमुदायले ओलीको अन्यायपूर्ण निर्णयको विरोध गर्नेमा आफू विश्वस्त रहेको बताएका हुन् ।
उनले एमालेको निर्माण र विस्तारका साथै राष्ट्रियता, स्वाधीनता, समृद्धि, जनाधिकार, न्याय र समानताका लागि निरन्तर सक्रिय रहेर योगदान गर्दै आएको आफूलाई निष्कासन गर्ने ओलीको निर्णयलाई 'सत्ताको उन्मादमा गरिएको निरंकुश, स्वेच्छाचारी र तानाशाही निर्णय' भनेका छन् ।
कतिपय भ्रष्ट, अनैतिक, फौजदारी मुद्दा लागेका, राष्ट्रिय एकता, अखण्डता, संस्कृति र एमालेविरोधी एवं विचौलिया र दलालहरूलाई काखी च्याप्नेले देशभक्त इमान्दार मानिसमाथि प्रहार गरेकोमा आफूलाई आश्चर्य नलागेको पनि रावलले बताएका छन् ।
यस्तो छ रावलको प्रेस नोट :
नेकपा (एमाले) को निर्माण र विस्तारका साथै राष्ट्रियता, स्वाधीनता, समृद्धि, जनाधिकार, न्याय र समानताका लागि निरन्तर सक्रिय रहेर योगदान गर्दै आएकोमा देश, जनता, सुशासन, विधि, पद्धति, सदाचार, सत्य र तथ्यको पक्षमा उभिएकोमा मलाई पार्टी सदस्यबाट हटाउने के.पी. ओलीको निर्णय सत्ताको उन्मादमा गरिएको निरंकुश, स्वेच्छाचारी र तानाशाही निर्णय हो । कतिपय भ्रष्ट, अनैतिक, फौज्दारी मुद्धा लागेका, राष्ट्रिय एकता, अखण्डता, संस्कृति र एमाले विरोधी एवं विचौलिया र दलालहरुलाई काखि च्याप्नेले देशभक्त इमान्दार मानिसमाथि प्रहार गरेकोमा मलाई आश्चर्य लागेको छैन । सबै देशभक्त, न्यायप्रेमी, सुशासन, सुनिश्चित प्रणाली तथा जनताको समृद्धि र उज्यालो भविष्यप्रति प्रतिबद्ध इमान्दार पार्टी कार्यकर्ता र जनसमुदायले के.पी. ओलीको अन्यायपूर्ण निर्णयको विरोध गर्नेमा म विश्वस्त छु ।
1679298112.jpg)
1674115170.jpg)
.jpg)
1691312161.jpg)
.jpg)
प्रतिक्रिया गर्न लग इन गर्नु होस्:
Log in with Google