.png "Win Recruit Nepal"){kind=logo}
काठमाडौँ । राष्ट्रिय स्वतन्त्र पार्टी (रास्वपा) ले उपसभामुख इन्दिरा राना मगरले अमेरिकी दूतावासमा भिसाका लागि लेखेको पत्रबारे कतै दर्ता नभएको प्रस्टीकरण दिएको छ । बिहीबार बसेको केन्द्रीय समिति बैठकपछि सहप्रवक्ता मनिष झाले पत्रबारे छलफल गर्ने एजेण्डा नभएपनि अनौपचारिक छलफल भएको बताए । उनले भने, ‘पत्रको मिति १८ महिना अघिको रहेछ त्यो पत्र अमेरिकन एम्बेसीमा रजिस्टर भएको छैन र कार्यान्वयनमा पनि गएको छैन ।’
उनले त्यसमा आर्थिक चलखेल पनि नभएको बुझिएको बताए । ‘राजनीतिक रूपमा संवैधानिक परिषद्का लागि भइरहेका चलखेलका रूपमा भएको आशंका गर्यौ’, उनले भने, ‘तथापि यस्तो राजनीतिक अभ्यास नभएकाले सजग हुनुपर्छ भन्ने स्वीकारोक्ति छ ।’
उनले अहिले रानामगर रास्वपाको नभएपनि पार्टीले त्यसबारे आफ्नै ढंगले हेरिरहेको बताए । ‘यसको अर्थ हामी चुप लागेर बस्दैनौ’, उनले भने, ‘सम्बन्धित निकाय संसद् र राज्य व्यवस्था समितिमा उजुरी पनि परेको छ भन्ने सुनेका छौँ । त्यसलाई हेर्दैछौँ ।’
यस्तै महामन्त्री मुकुल ढकालले रानामाथि लगाएको आरोपमा कुनै सत्यता नभएको रास्वपाको भनाइ छ । ढकालले रानाले नाम सिफारिस गर्दा रकम लिएको बताएका थिए ।
1679298112.jpg)
1674115170.jpg)
.jpg)
1691312161.jpg)
.jpg)
प्रतिक्रिया गर्न लग इन गर्नु होस्:
Log in with Google