.png "Win Recruit Nepal"){kind=logo}
काठमाडौं । काठमाडौं नयाँ बसपार्क तथा माछापोखरीमा भएको मोबाइल पसल लुटपाटको घटनाका दोषीलाई कारबाही गर्न प्रतिनिधि सभामा आवाज उठेको छ । राष्ट्रिय स्वतन्त्र पार्टीका सांसद विराजभक्त श्रेष्ठले असन्तुष्टि व्यक्त गर्न पाइने भए पनि अराजक हुन नपाइने बताए ।
‘व्यापारीहरु त्यसै त आर्थिक मारमा परेर विस्थापित हुँदैछन्, त्यसैमाथि अमानवीय लुटपाट । दोषीहरुलाई सीसीटीभी र अन्य रेकर्डेड माध्यम हेरेर भए पनि कडाभन्दा कडा कारबाहीको माग गर्दछु,’ प्रतिनिधि सभाको सोमबारको बैठकको शून्य समयमा बोल्दै उनले भने ।
गत सोमबार बालाजु क्षेत्रमा यातायात मजदुरहरुको विरोध प्रदर्शनका क्रममा मोबाइल पसलमा लुटपाट भएको थियो । सामाजिक सञ्जालमा सेयर भइरहेका भिडिओमा एक हुल युवाहरु मोबाइल पसलमा छिरेर मोबाइल लुटेको देख्न सकिन्छ ।
1679298112.jpg)
1674115170.jpg)
.jpg)
