.png "Win Recruit Nepal"){kind=logo}
काठमाडाैं । मोहन वैद्य ‘किरण’ नेतृत्वको नेकपा क्रान्तिकारी माओवादी र धर्मेन्द्र बास्तोला नेतृत्वको नेकपा (बहुमत)बीच एकता हुने भएको छ । एकताको तयारी केही महिनाअघिदेखि भइरहेकाे थियाे । आगामी १८ वैशाखमा एकता घोषणा गर्ने सहमति जुटेको छ । त्यसका लागि भोलि (२४ चैत) मा पत्रकार सम्मेलन गरेर यी दुई पार्टीले जानकारी दिन लागेका छन् ।
बास्तोला नेतृत्वको नेकपा बहुमत नेत्रविक्रम चन्द विप्लव नेतृत्वको नेकपाबाट विभाजित भएको हो । बास्तोला र हेमन्तप्रकाश ओलीले विप्लवको चुनावी रणनीतिप्रति असहमति जनाउँदै गत वर्ष नयाँ पार्टी बनाएका थिए । हुन त, बास्तोला नेतृत्वको नेकपा बहुमतका नेताहरु पहिला वैद्य नेतृत्वको माओवादीमै थिए ।
प्रचण्ड नेतृत्वको एकीकृत माओवादी विभाजन हुँदा यी सबै नेताहरु वैद्यको नेतृत्वको नेकपा–माओवादीमा आवद्ध भएका थिए । वैद्य नेतृत्वको माओवादी विप्लवको नेतृत्वमा विभाजित हुँदा बास्तोला र ओलीसहितका नेताहरु विप्लवसँगै गएका थिए । केही वर्षसँगै काम गरेका भए पनि गत वर्षदेखि छुट्टिएका उनीहरु पुरानै घरमा फर्किन लागेका हुन् ।
दुई पार्टीबीच एकताका क्रममा अध्यक्ष कसलाई बनाउने भन्ने चाहिँ सहमति जुटिसकेको छैन । अध्यक्ष मण्डल बनाउने अनौपचारिक सहमति भएको थियो । तर, उक्त विषयमा प्रष्टता नभएपछि तत्काल वैद्यलाई नेतृत्व स्वीकार गर्दै थप छलफल गर्दै गर्ने सहमतिपछि एकता हुन लागेको नेकपा बहुमतका एक नेताले जानकारी दिए । नेकपा बहुमतको संयोजक बास्तोला रहेका छन् ।
पहिला बास्तोला वैद्य नेतृत्वको माओवादीमा पोलिटब्युरो सदस्य थिए । माअोवादीमा हुँदा विदेश विभागमा रहेर काम गरेका बास्तोलालाई अध्यक्ष मण्डलमा स्वीकार गर्न वैद्य नेतृत्वको माओवादीका नेताहरु तयार देखिएका छैनन् । उनीभन्दा सिनियर नेताहरु सीपी गजुरेल, हरिभक्त कँडेल, इन्द्रमोहन सिग्देलगायतका नेताहरु रहेका छन् ।
त्यसले गर्दा, पनि नेतृत्वमा तत्काल सहमति जुट्ने संभावना कम रहेको छ । त्यसो त, वैद्य माओवादीमा रहेका रामसिंह श्रीषले पनि बास्तोलालाई नेता स्वीकार्न तयार नरहेको बताइन्छ । सोही कारण नेतृत्वको विषयमा पछि छलफल गर्ने भन्दै तत्काललाई एकता घोषणा गर्ने सहमति जुटेको हो ।
1679298112.jpg)
1674115170.jpg)
.jpg)
