.png "Win Recruit Nepal"){kind=logo}
काठमाडौं । पूर्व शिक्षा, विज्ञान तथा प्रविधि मन्त्री सुमना श्रेष्ठले शिक्षकहरूलाई सत्य र न्यायको पक्षमा उभिन पार्टीको सदस्यता त्याग्न आह्वान गरेकी छन् ।
शिक्षकहरूमाथि प्रहरीले बल प्रयोग गरेको घटनापछि सामाजिक सञ्जालमार्फत प्रतिक्रिया जनाउँदै श्रेष्ठले पार्टी र नेताको छायाँमा बस्ने कि विधिसम्मत रूपमा अघि बढ्ने भन्ने निर्णय आफैँ गर्नु पर्ने बताएकी छन् । उनले लेखेकी छन्, ‘नेताहरूलाई बुइँमा चढाएर सत्तामा पुर्याउने तपाईँहरू नै हो, आज तिनै नेताहरूको दमनले उहाँहरूको नैतिकता र चरित्र उदाङ्गो पारेको छ ।’
श्रेष्ठका अनुसार सदन र सार्वजनिक भाषणमा शिक्षकहरूप्रति देखाइएको सम्मान केवल देखावटी हो र वास्तविक व्यवहार आजको घटनाले स्पष्ट पारेको छ । उनले विगतमा देशमा विभिन्न कालखण्डमा शिक्षकहरूको योगदानले व्यवस्था परिवर्तन सम्भव भएको स्मरण गराउँदै भनिन्, ‘हामीले व्यवस्था त परिवर्तन गर्यौं, तर नेतृत्वकर्ताहरूको संस्कार परिवर्तन गर्न सकिएन ।’
अब मुलुकमा संस्कारको परिवर्तन आवश्यक रहेको उल्लेख गर्दै उनले शिक्षकहरूलाई अग्रसर भई सत्य र न्यायको लागि सङ्घर्षमा उत्रन आग्रह गरेकी छन् ।
1679298112.jpg)
1674115170.jpg)
.jpg)
1691312161.jpg)
.jpg)
प्रतिक्रिया गर्न लग इन गर्नु होस्:
Log in with Google