.png "Win Recruit Nepal"){kind=logo}
काठमाडाैँ । गृहमन्त्री रमेश लेखक निरन्तरको वर्षाका कारण आएको बाढीपहिरोलगायतका प्राकृतिक विपद्को जोखिममा परेका नागरिकको उद्धार, राहत तथा घाइतेहरूको उपचारमा सरकार गम्भीर भएर लागिपरेको बताएका छन् ।
शनिबार बिहान सिंहदरबारस्थित गृह मन्त्रालयमा बसेको ‘मनसुन पूर्वतयारी तथा प्रतिकार्य कमाण्ड पोष्ट’को बैठकपछि पत्रकारहरूसँग कुराकानी गर्दै गृहमन्त्री लेखकले बाढीपहिरो र डुबानबाट काठमाडौं उपत्यकामा मात्रै नेपाली सेना, नेपाल प्रहरी र सशस्त्र प्रहरी बलको उद्धार टोलीले साढे सात सयभन्दा बढी नागरिकको सकुशल उद्धार गरेको जानकारी दिए ।
'दुई जनाको नेपाली सेनाको हेलिकोप्टरबाट समेत उद्दार गरी सुरक्षित स्थानमा सारिएको छ,' गृहमन्त्री लेखकले भने, 'मुलुकमा ठूलो विपद्को स्थिति आएको छ ।' उनले बैठकले मुलुकभर बाढीपहिरो र डुबानबाट भएको जनधनको क्षतिको सूचना संकलन गर्ने, उद्धार तथा राहतलाई थप प्रभावकारी बनाउनेलगायतका विषयमा छलफल भएको बताए ।
वर्षाका कारण काठमाडौं भित्रिने र बाहिरिने सडकहरू अवरुद्ध भएको र तत्काल खुलाउन पहल गर्न सम्बन्धित निकायलाई उनले निर्देशनसमेत दिए । उनले अवस्था सामान्य हुँदै गएपछि विस्थापितलाई पुनर्स्थापनाका लागि सरकारले पहल गर्ने बताए । उनले ‘मनसुन पूर्वतयारी तथा प्रतिकार्य कमाण्ड पोष्ट’ २४सैँ घण्टा सक्रिय बनाइने बताए ।
1679298112.jpg)
1674115170.jpg)
.jpg)
1691312161.jpg)
.jpg)
प्रतिक्रिया गर्न लग इन गर्नु होस्:
Log in with Google