.png "Win Recruit Nepal"){kind=logo}
काठमाडौं । राष्ट्रिय प्रजातन्त्र पार्टी (राप्रपा)का प्रवक्ता ज्ञानेन्द्र शाहीले आफ्नो निजी जीवनको विषयमा समाचार लेखेको भन्दै पत्रकारविरुद्ध जिल्ला अदालतमा गाली बेइज्जती मुद्दा दर्ता गराएका छन् । समाचारमा चित्त नबुझे प्रेस काउसिन्लमा उजुरी दिनुपर्ने व्यवस्था हुँदाहुँदै सांसद समेत रहेका शाही अदालत गएका हुन् । आफ्नो निजी जीवनका विषयमा लेखिएका समाचारले चरित्र हत्या गरेको उनको जिकिर छ ।
शाहीले चितवन रत्ननगर नगरपालिका ४ का पत्रकार शंकर तिवारीविरुद्ध काठमाडौं अदालत र नेपाल प्रहरीको केन्द्रीय साइवर ब्युरोमा पनि उजुरी दिएका हुन् । सुरुमा प्रेस काउन्सिलमा उजुरी दर्ता गराउन गएका शाहीलाई प्रक्रिया नपुगेको भन्दै फर्काइदिएपछि उनी अरू निकाय गएका हुन् ।
उजुरीपछि जिल्ला अदालतले प्रतिवादी शंकर तिवारीलाई १२ असोजमा उपस्थित हुन आदेश दिएको छ । उजुरी दिएपश्चात् शाहीले एक प्रेस विज्ञप्ति जारी गर्दै ‘विगत एक डेढ महिनादेखि आफूलाई पत्रकार भन्ने शंकर तिवारी नाम गरेको व्यक्तिले सामाजिक संजालमार्फत् चरित्र हत्या गर्ने र समाजलाई भ्रमित पार्ने काम गरेकोले मुद्दा दर्ता गरेको’ जानकारी गराएका छन् ।
नेपालको कानुन बमोजिम यस किसिमका गलत हर्कत गर्नेलाई हदैसम्मको कानुनी कारबाही गरी भविष्यमा यस किसिमका कपोकल्पित हर्कत गर्ने छुट कोही कसैलाई गर्न नसकोस् र कसैले गर्न नपाओस् भनी कानुनी उपचारको लागि मुद्दा दायर गरेको उनले बताएका छन् ।
1679298112.jpg)
1674115170.jpg)
.jpg)
1691312161.jpg)
प्रतिक्रिया गर्न लग इन गर्नु होस्:
Log in with Google