.png "Win Recruit Nepal"){kind=logo}
२०७१ सालमा शिलान्यास गरिएको प्रतिमा निर्माण ९ वर्षपछि निर्माण सम्पन्न गरी अनावरण गरिएको हाे ।
काभ्रे । वीपी राजमार्गअर्न्तगत धुलिखेलमा नेपाली कांग्रेसका संस्थापक नेता तथा पूर्वप्रधानमन्त्री वीपी कोइरालाको पूर्णकदको सालिक अनावरण गरिएको छ । धुलिखेल नगरपालिका-६ स्थित जरणडाँडामा वीपी राजमार्गको प्रस्थानविन्दुका रूपमा रहेको स्थानमा नवनिर्मित नेता कोइरालाको सालिक शनिबार कांग्रेस सभापति शेरबहादुर देउवाले अनावरण गरेका हुन् । २०७१ सालमा शिलान्यास गरिएको प्रतिमा निर्माण ९ वर्षपछि निर्माण सम्पन्न गरी अनावरण गरिएको हाे ।
कांग्रेस-एमालेको सहकार्यले मुलुकमा सकारात्मक सन्देश दिएको छ : देउवा
कांग्रेस सभापति शेरबहादुर देउवाले कांग्रेस–एमालेको सत्ता सहकार्यले मुलुकमा सकारात्मक सन्देश दिएको बताएका छन् । सत्ताका लागि कचकच भइरहेका बेला दुई ठूला पार्टीबीचको गठबन्धनले जनतामा आनन्द र खुसी छाएको उनको दाबी छ । शनिबार काभ्रेको धुलिखेलमा वीपी कोइरालाको सालिक अनावरण गर्दै सभापति देउवाले सत्ता सहकार्य गरेर दलहरुले जनताको पक्षमा काम गर्नुपर्ने बताए ।
उनले पार्टीलाई आगामी निर्वाचनमा कम्तीमा पहिलो पार्टी बनाउने गरी मेहिनत गरेर जनताको पक्षमा खटिएर काम गर्न पनि पार्टीका नेता, कार्यकर्तालाई निर्देशन दिए । कांग्रेसले बढी गफ गर्छ, काम गर्दैन भन्ने गुनासो आइरहेको भन्दै सभापति देउवाले दुःखमा परेका जनताको पक्षमा काम गर्न पनि पार्टीका नेता, कार्यकर्तालाई सचेत गराए ।
उनले भने, ‘एमाले र कांग्रेस दुई वटा पार्टी मुख्य प्रतिस्पर्धी पार्टी हो । दुई वटै पार्टी मिल्दाखेरि के हुन्छ भन्ने चिन्ता पनि छ मानिसहरुलाई । तर प्रतिष्पर्धी पार्टी मिल्दाखेरि देशभरिमा नै मैले थाहा पाए अनुसार त नेपाली जनताहरु खुसी भएका छन् । कति कचकच गर्ने, दुई वटा पार्टी मिलेका छन् आनन्द भएको छ भन्नेहरु छन यहाँ । त्यसकारण दुई वटा पार्टी मिलेर देशभरमा एउटा सकारात्मक सन्देश दिएको छ । तर हामीले काम पनि त्यही अनुसार गर्नु पर्यो । कांग्रेसले गफ बढी गर्छ, काम गर्दैन भन्छन् । जनताको मन जित्ने गरी कामहरू गर्नुहोला ।'
सभापति देउवाले कांग्रेसलाई नम्बर वान पार्टी बनाउन सबैको साथ र सहयोगको अपेक्षा गरेको बताए । 'म सबै साथीभाईहरुलाई आग्रह गर्न चाहन्छु कि अहिलेको यो संविधान छ । समावेशी समानुपातिक सिस्टम छ हामीले ल्याएको । यसमा यति धेरै गाह्रो छ । कुनै एउटा पार्टीको बहुमत प्राप्त गर्न गाह्रो छ । तैपनि हामीले यो गाह्रो काम नै गर्नु पर्यो । मेहिनत गर्यो भने बहुमत प्राप्त गर्न सक्ने पार्टी हुन्छ भन्ने मलाई विश्वास छ। कांग्रेस कमसेकम जनताले विश्वास गरेको पार्टी हो ।'
1679298112.jpg)
1674115170.jpg)
.jpg)
1691312161.jpg)
.jpg)
प्रतिक्रिया गर्न लग इन गर्नु होस्:
Log in with Google