.png "Win Recruit Nepal"){kind=logo}
काठमाडाैँ । राष्ट्रिय स्वतन्त्र पार्टीका उपसभापति तथा सांसद डा. स्वर्णिम वाग्लेले आफ्नो पार्टी प्रदेशगत संरचना नभई प्रदेश सभा हटाउनु पर्ने पक्षमा रहेको बताएका छन् । क्यानडाकाे राजधानी अटवामा नेप्लिज क्यानडियन एसोसियसन अफ अटवाद्वारा आयोजित एक अन्तरक्रियालाई सम्बोधन गर्दै डा. वाग्लेले यस्ताे बताएका हुन् ।
उनले भने, ‘देशभरि ८८४ जना सांसदहरू रहेकोमा प्रदेशहरूमा ५५० जना सांसदहरू छन् । यत्रो संरचना राज्यले धान्न सक्दैन, छरितो प्रदेश सरकार बनाएर विधायकी जिम्मा गाउँपालिका तथा नगरपालिकाका जननिर्वाचित प्रतिनिधिहरूलाई दिन सकिन्छ ।’
नेपालमा भ्रष्टाचार बढ्नुमा खर्चिलो चुनाव प्रणाली पनि एउटा कारण रहेको बताउँदै डा. वाग्लेले चुनावमा टिकट पाउन पनि आफ्नै पार्टीका नेतालाई पैसा ख्वाउनुपर्ने स्थिति आएको बताए । यही स्थितिको अन्त्य गर्न रास्वपालेरूपन्देहीको उपचुनावका लागि उम्मेद्वार छनोट गर्न ‘प्राइमरी प्रणाली’ को अभ्यास गरिरहेको सांसद वाग्लेले बताए । उनले नेपालको राजनीतिलाई सफा गर्न सही नीति, सफा नियत र क्षमता भएको वर्ग अघि सर्नुपर्ने बताए ।
साथै उनले नेपाली कांग्रेस, नेकपा एमाले लगायतका ठूला दलले नियामक निकाय, अख्तियार र न्यायालयमा समेत दलीय आधारमा भागबण्डा गरेर ‘स्टेट क्याप्चर’ गरेको आरोप लगाए । दलहरूको यस्तै गतिविधिले नेपाल अहिले उदार लोकतन्त्रबाट अनुदार लोकतन्त्र हुँदै लुटतन्त्र (क्लेप्टोक्रेसी) मा परिणत भएको उनले आरोप लगाए ।
उनले रास्वपा सभापति रवि लामिछानेमाथि राज्यले प्रतिशोध लिइरहेको बताए । ‘नेपालमा सहकारीहरूबाट झन्डै ८ हजार ८०० करोड रुपैयाँ अपचलन भएकोमा गोर्खा मिडियामा ६५ करोड रुपैयाँ सहकारीको रकम गएको देखिन्छ’ उनले भने, ‘सांसद सूर्य थापा संयोजक रहेको संसदीय छानबिन समितिले प्रचलित कानुन अनुसार गर्नु भनेर सिफारिस गरेको छ।’ उनले थपे, ‘तर सरकारले पाँच जिल्लाका तीन तहका अदालतहरूमा रवि विरुद्ध मुद्दा दायर गरी प्रतिशोध लिइरहेको छ ।’
उनले रविलाई अन्यायपूर्वक थुनामा राखिएको भनी झन्डै ५० लाख नेपालीले हस्ताक्षर गरिसकेको बताए । जनता जाग्ने हो भने अहिलेको गडबडी धेरै समय नटिक्ने बताए ।
1679298112.jpg)
1674115170.jpg)
.jpg)
1691312161.jpg)
.jpg)
प्रतिक्रिया गर्न लग इन गर्नु होस्:
Log in with Google