.png "Win Recruit Nepal"){kind=logo}
काठमाडाैं । राष्ट्रिय प्रजातन्त्र पार्टी संसदीय दलका उपनेता बुद्धिमान तामाङले सरकारको नीति तथा कार्यक्रमको औचित्य नभएको बताएका छन् ।
शनिबारको प्रतिनिधिसभा बैठकमा आगामी वर्षको नीति तथा कार्यक्रमको छलफलमा सहभागी हुँदै उनले आफूहरूले नीति तथा कार्यक्रममा योजना अघि बढाउन खोज्दा नपाएको गुनासो गरे ।
‘यो नीति तथा कार्यक्रममा भाग लिनुको के अर्थ भयो र । केहीअघि हामीले योजना समावेश गर्न खोज्दा सम्बन्धित मन्त्रालयले पहिले नै अगाडि बढाएको भनियो,’ उनले भने, ‘अब हामीले बोलेर पनि के हुन्छ र ? बोल्नु र नबोल्नुको कुनै अर्थ छैन । तर जे भए पनि आफ्नो धर्म निभाउनै पर्यो ।’
उनले वर्तमान सरकारले सार्वजनिक गरेको नीति तथा कार्यक्रम सुन्नका लागि मात्रै कर्णप्रिय भएको बताए । तर, यो लक्ष्यविहीन रहेको टिप्पणी गर्दै उनले सरकारको गन्तब्य पनि स्पष्ट नभएको टिप्पणी गरे ।
1679298112.jpg)
1674115170.jpg)
.jpg)
1691312161.jpg)
.jpg)
प्रतिक्रिया गर्न लग इन गर्नु होस्:
Log in with Google