.png "Win Recruit Nepal"){kind=logo}
काठमाडौँ । नेपाल विद्यार्थी संघ (नेविसंघ) ले त्रिभुवन विश्वविद्यालयमा कृत्रिम सुरक्षा थ्रेट सिर्जना गरी अफवाह फैलाइएको बताएको छ । नेविसंघ त्रिवि समितिका अध्यक्ष विष्णु बडैलाले एक विज्ञप्ति जारी गर्दै विश्वविद्यालयका पदाधिकारीहरूले त्रिवि परिसरमा कृत्रिम सुरक्षा थ्रेट सृजना गरी अफवाह फैलाएको भन्दै उक्त घटनालाई नेविसंघले नजिकबाट नियालिरहेको बताए ।
अमुक आयातित पात्रलाई समाजशास्त्र केन्द्रीय विभागको विभागीय प्रमुख नियुक्त गर्न यस्तो प्रपञ्च रचिएको नेविसंघको ठहर छ । विद्यार्थी तर्सिने गरी बन्दुकधारी प्रहरी विश्वविद्यालयमा परिचालन गरी आतंक मच्चाउनु लज्जास्पद भएको बडैलाले जारी गरेको विज्ञप्तिमा उल्लेख छ ।
विश्वविद्यालयमा खुला प्रतिस्पर्धाबाट विभागीय प्रमुख नियुक्त गर्नुपर्नेमा कृत्रिम सुरक्षा थ्रेट देखाएर झुटको खेती गर्ने त्रिविका पदाधिकारीहरूलाई कारबाही गर्नुको साटो शिक्षामन्त्रीले उल्टै गलत सूचना सामाजिक सञ्जालमा राखेको विज्ञप्तिमा जनाइएको छ ।
विश्वविद्यालयभित्र कुनै पनि प्रकारको सुरक्षा चुनौती नभएको स्वयम् नेपाल प्रहरीले नै पुष्टि गरिसकेको जनाइएको र यस्तो अवस्थामा नैतिकताको आधारमा विश्वविद्यालयका पदाधिकारीहरूले राजीनामा किन नगर्ने ? भन्दै बडैलाले प्रश्न गरेका छन् ।
उपकुलपति प्राडा केशरजंग बराल विगत १५ दिनदेखि डेंगु सङ्क्रमणले घरबाटै विश्वविद्यालय सञ्चालन गर्ने तर असुरक्षाको आरोप नेविसंघलाई लगाउनु गलत भएको उनले जनाएका छन् ।
बिना प्रमाण नेविसंघलाई बदनाम गराउन उद्धत विश्वविद्यालय पदाधिकारीलाई अविलम्ब झुट्टा आरोप फिर्ता लिन उनले आग्रह गरेका छन् । त्यस्तो नगरेको खण्डमा आन्दोलन गर्ने चेतावनी समेत नेविसंघले दिएको छ ।
1679298112.jpg)
1674115170.jpg)
.jpg)
1691312161.jpg)
.jpg)
प्रतिक्रिया गर्न लग इन गर्नु होस्:
Log in with Google