.png "Win Recruit Nepal"){kind=logo}
कठमाडौं । नेपाल विद्यार्थी संघ (नेविसंघ)ले यातायात व्यवस्था विभागलाई १३ बुँदे ज्ञापनपत्र बुझाएको छ । आइतबार विभागमै पुगेर नेविसंघका नेता नारायण पाण्डेको नेतृत्वमा पुगेको टोलीले विभागका अधिकारीहरुलाई ज्ञापनपत्र बुझाएका हुन् । पत्रमा करिब २३ लाख सेवाग्राहीको नछापिएको सवारीचालक अनुमतिपत्र (लाइसेन्स) प्रिन्ट गर्न, बारम्बर सर्भरमा आउने समस्या हटाउन र नक्कली लाइसेन्सबारे छानबिन गर्न माग लगायत विषय समेटिएका छन् ।
६ महिनाको अवधिमा करिब ३० हजार अवैध लाइसेन्स विभागको सिस्टममा प्रविष्ट गरिएको विषयमा यथार्थ छानबिन गरी दोषीलाई कारबाही गर्न पत्रमार्फत नेविसंघले माग गरेको छ ।
नक्कली लाइसेन्सको विवरण राख्न सरकारी निकायको इलेक्ट्रोनिक ड्राइभिङ लाइसेन्स सिस्टममा विचौलियालाई कसले पहुँच गर्न दियो भन्दै पत्रमा प्रश्न गरिएको छ । यसबाहेक कानुनी व्यवस्थाहरु कार्यान्वयन हुन नसकेकोदेखि अनलाइनबाटै नविकरण, मेडकल तथा राजस्व तिर्ने व्यवस्था मिलाउन समेत नेविसंघले मा गरेको छ ।
“बायोमेट्रिककर्ता र लाइसेन्स लिखित परीक्षाको लाइन ब्यबस्थित गरियोस। एक जना सेवाग्राही १५ मिनेट भन्दा बढी लाइन बस्नु पर्ने बाध्यात्मक परिस्थिको अन्त्य गर्न तत्काल पहल गरियोस,” नेविसंघले ज्ञापनपत्रमा उल्लेख गरेको छ ।
1679298112.jpg)
1674115170.jpg)
.jpg)
1691312161.jpg)
.jpg)
प्रतिक्रिया गर्न लग इन गर्नु होस्:
Log in with Google