.png "Win Recruit Nepal"){kind=logo}
वडाध्यक्षले २ लाख देखि ७ लाख भन्दा माथिका ४ वटासम्म योजना बनाउन सक्ने
सन्तोष दाहाल, ललितपुर । देशैभरका स्थानीय तहहरुले आईतबार वर्षे अधिवेशन मार्फत आगामी आर्थिक वर्ष २०८०/०८१ को अनुमानित बजेट सार्वजनिक गरेका छन् । यसैबीच दक्षिण ललितपुरको कोन्ज्योसोम गाउँपालिकाले ५१ करोड ३७ लाख ३१ हजार बराबरको बजेटको आयव्यय प्रस्तुत गरेको छ ।
गाउँपालिकाको १२औं गाउँसभा अधिवेशनमा गाउँपालिका प्रमुख कृष्णमान लामाले आगामी आर्थिक वर्षको नीति तथा कार्यक्रम प्रस्तुत गरेका थिए भने बन्दसत्रमा उपाध्यक्ष राजन प्रसाद घिमिरेले गाउँपालिकाको अनुमानित बजेट वाचन गरेका थिए ।
गाउँपालिकाले प्रत्येक वडालाई ४५ लाखको बजेट सिलिङ्ग उपलब्ध गराएको छ, भने भौतिक पूर्वाधारको लागि वडाध्यक्षको तजबिजमा रहने गरी थप रकम रामेत दिईएको छ । वडाध्यक्षले कम्तीमा २ लाखको योजना बनाउन तथा ७ लाख माथिको कम्तीमा ३ देखि ४ वटा वडा स्तरीय योजना बनाउन पाउने गाउँपालिकाले जनाएको छ । त्यसैगरी गाउँपालिकाले यसपटक विगतमा राखेको अध्यक्ष उपाध्यक्ष कार्यक्रम बन्द गरेको छ। साथै आवश्यकताको आधारमा सबै विषयगत समितिलाई पनि बजेट उपलब्ध गराउने गाउँपालिकाले जनाएको छ ।
नयाँ आर्थिक वर्षको लागि कोन्ज्योसोम गाउँपालिकाले शिक्षामा १ करोड १० लाख, कृषिको लागि १ करोड १० लाख, स्वास्थ्यमा ३० लाख,सामाजिक सुरक्षामा २० लाख, पशुमा ३१ लाख रकम छुट्याएको छ । क्रमागत योजना अन्तर्गत शंखु अस्पताललाई यस वर्ष ७ करोड रकम विनियोजन गरिएको छ ।
आइतबार आयोजित गाउँसभामा ललितपुर १ का संघीय सांसद उदय राणा, प्रदेश सांसदहरु मधुसुदन पौडेल, उर्मिला लामा, जिल्ला समन्वय समिति प्रमुख ऋषिदेव फुयाल, गाउँपालिकाका पूर्व अध्यक्ष उपाध्यक्ष लगायतको आतिथ्यता रहेको थियो । उक्त कार्यक्रममा शुभकामना व्यक्त गर्दै सांसद राणाले यस वर्ष संघ सरकारबाट विविध कारणबजेट घटेकोले गाउँपालिकाकरुमा सोचेजति बजेट ल्याउन न सकिएको स्वीकार गरे । यद्यपि सरकारमा रहेका ठुला नेताको जिल्लामा थुप्रै बजेट पारिएको भन्दै आफ्नै पार्टीका नेता र अर्थमन्त्रीको आलोचना गर्न बाध्य भएको उनको भनाई छ ।
एमाले बागमती प्रदेश संसदीय दलका सचेतक मधुसुदन पौडेलले विकासका लागि सबै दल एकजुट हुनुपर्ने बताए । बागमती प्रदेश सरकारले राज्यकोषलाई आफ्नो बपौती ठान्दै निश्चित नेताको जिल्ला र क्षेत्रमा बजेट पारेर ललितपुर लाई उपेक्षा गरेको उनको गुनासो छ । सरकारको गलत कामको विरोधमा प्रदेशासभामा बजेटको छलफल हुँदा प्रतिपक्षी दलको हिसाबमा सशक्त आवाज मुखरित गर्ने उनले बताएका छन् । सांसद उर्मिला लामाले जिल्लाको विकास निर्माणमा बजेट ल्याउन आफ्नो बलबुताले भ्याएसम्म लागिपरेको बताईन ।
.jpg)
_GnRvz8QHio.jpg)
.jpeg)
.jpeg)
.jpg)
प्रतिक्रिया गर्न लग इन गर्नु होस्:
Log in with Google