.png "Win Recruit Nepal"){kind=logo}
काठमाडाैँ । सत्तारुढ दल नेकपा एमालेले आफ्ना अध्यक्ष केपी शर्मा ओली नेतृत्वको सरकारको समीक्षा गरेको छ । शनिबार बसेको पार्टी केन्द्रीय सचिवालय बैठकमा ओली सरकारबारे समीक्षा भएको हो । प्रधानमन्त्री तथा अध्यक्ष केपी शर्मा ओलीको अध्यक्षतामा बसेको बैठकले ओली सरकारको ४ महिने अवधिको समीक्षा गरेको एमाले उपमहासचिव प्रदीप ज्ञवालीले जानकारी दिएका छन् ।
बैठकले सरकार ठीक ढंगले अगाडि बढिरहरको निष्कर्ष निकालेको छ । बैठकले ४ महिनामा सरकारले गरेका कामले जनतामा आशा जगाएको समेत निष्कर्ष निकाल्दै अगामी दिनमा थप समन्वयका साथ काम गर्नुपर्ने निचोड निकालेको छ ।
सरकार सञ्चालनका विषयमा साझेदार दलसँग समन्वय बढाउनुपर्नेमा समेत बैठकमा कुरा उठेको छ । उपमहासचिव ज्ञवालीले भने, ‘बैठकमा सरकारको चार महिने कार्यकालको समीक्षा गरेका छौँ । सरकारले आधारभूत रूपमा ठीक ढंगले काम गर्दै अघि बढिरहेको निष्कर्ष छ । दुई राजनीतिक दलबिच समझदारीलाई प्रगाढ बनाउन र काममा अझै बढी समन्वय ल्याउनका निम्ति विश्वासको वातावरणलाई सुदृढ गर्दै लैजाने कुरामा छलफल भएको छ ।’
यस्तै बैठकमा ओलीको आसन्न चीन भ्रमणबारे पनि छलफल भएको छ भने उत्तरी र दक्षिणी दुवै छिमेकीसँग सन्तुलित रूपमा सम्बन्धलाई प्रगाढ बनाउनुपर्ने र त्यसैअनुसार अगाडि बढ्ने निष्कर्ष निकालिएको छ ।
यस्तै बैठकले १६ मंसिरमा हुने स्थानीय तहको उपनिर्वाचनमा पार्टी पूर्ण शक्तिका साथ प्रतिस्पर्धामा उत्रिने निर्णयसमेत गरेको छ । उपमहासचिव ज्ञवालीले स्थानीय तहको उपनिर्वाचनका लागि तय भएका उम्मेदवारको नाम अनुमोदन गरिएको र पूर्णशक्तिका साथ परिचालन हुन पार्टी कमिटीहरूलाई निर्देशन दिइएको बताए ।
बैठकले मानव तस्करीसँग जोडिएका कोशी प्रदेशसभा सांसद लिलाबल्लभ अधिकारीलाई पार्टीका सबै जिम्मेवारीबाट निलम्बन गर्ने कोशी प्रदेश कमिटीको निर्णयलाई पनि अनुमोदन गरेको छ ।
1679298112.jpg)
1674115170.jpg)
.jpg)
1691312161.jpg)
.jpg)
प्रतिक्रिया गर्न लग इन गर्नु होस्:
Log in with Google