.png "Win Recruit Nepal"){kind=logo}
काठमाडौं । बालुवाटारमा आज बसेको उच्चस्तरीय राजनीतिक संयन्त्र बैठकमा गठबन्धनलाई अझै बलियो बनाएर लैजानेबारे कुराकानी भएको छ । सरकारका कामकारबाहीबारे पनि समीक्षा भएको छ । सरकारका कामकारबाहीबारे कहीँकतै कमीकमजोरी देखिए भने सुधार गर्दै लैजानेबारे पनि कुराकानी भएको छ । बैठकपछि उपप्रधान तथा ऊर्जामन्त्रीसमेत रहेका राप्रपा अध्यक्ष राजेन्द्र लिङ्देनले आगामी दिनमा गठबन्धनलाई झन् बलियो बनाएर लैजानेबारे छलफल गरिएको बताए ।
‘अहिलेसम्म सरकारले गरेका कामकारबाहीबारे पनि समीक्षा भयो,’ उनले भने, ‘यस किसिमका भेटघाटलाई आगामी दिनमा कायमै राख्ने कुरा भएको छ ।’ उनले राष्ट्रपति निर्वाचनबारे आज छलफल नभएको बताए । गठबन्धनमा पूर्ववत जे सहमति भएको छ त्यहीअनुसार अघि बढ्ने उनले बताए ।
‘राष्ट्रपति निर्वाचनबारे आज छलफल भएन । बाहिर आएका कुरा भ्रमपूर्ण छन्,’ उनले भने, ‘पहिले भएका सहमतिमा सत्ता साझेदार दलभित्र कुनै असहमति छैन । कुनै समस्या देखिएमा छलफलबाटै समाधान गर्छौं ।’ उनले राष्ट्रपति निर्वाचन तथा उम्मेदवारलाई लिएर सत्ता गठबन्धनभित्र मतभेद नरहेको पनि दाबी गरेका छन् ।
राष्ट्रिय स्वतन्त्र पार्टीलाई पुन: सरकारमा ल्याउनेबारे पनि कुराकानी भएको र उपयुक्त समयमा रास्वपा सरकारमा आउन सक्ने बैठकमा सहभागी राप्रपा अध्यक्ष लिङ्देनले बताए । छलफलमा प्रधानमन्त्री पुष्पकमल दाहाल, नेकपा एमालेका अध्यक्ष केपी शर्मा ओली, रास्वपा सभापति रवि लामिछाने र राप्रपा अध्यक्ष लिङ्देन थिए ।
1679298112.jpg)
1674115170.jpg)
.jpg)
1691312161.jpg)
प्रतिक्रिया गर्न लग इन गर्नु होस्:
Log in with Google