.png "Win Recruit Nepal"){kind=logo}
काठमाडौं । सत्तारुढ नेपाली कांग्रेसका नेता डा. शेखर कोइरालाले १५ औं महाधिवेशन गर्ने सुनिश्चितता गर्न माग गरेका छन् । जारी केन्द्रीय समिति बैठकमा आफ्नो धारणा राख्दै कोइरालाले ०८२ मंसिरमा हुने महाधिवेशनको सुनिश्चितता यही केन्द्रीय समिति बैठकले नै गर्नुपर्ने बताएका हुन् ।
यो वा त्यो वहानामा महाधिवेशन सारे त्यसले कांग्रेस र लोकतन्त्र दुवैलाई दुर्घटनातर्फ लैजाने उल्लेख गर्दै उनले भने, ‘कांग्रेसको १५औं महाधिवेशन लम्ब्याउने कुनै प्रपञ्च नगरौं । पार्टीको विधान र नियमावलीमा गर्नुपर्ने संशोधनका लागि अविलम्ब समितिहरू बनाऔं ।’
शेरबहादुर देउवाको नेृत्वमा पार्टीको जनाधार खुम्चिएको निर्वाचनले पुष्टि गरेको कोइरालाको भनाइ छ । गठबन्धनको कारण ठूलो दलको रूपमा संसदमा उपस्थित भए पनि कांग्रेसको जनाधार खुम्चिएको निर्वाचनले प्रस्ट पारको उनले बताए ।
गठबन्धन सरकारको नेतृत्व कांग्रेसको राजनीतिक प्रतिस्पर्धीले गरिरहेका उल्लेख गर्दै कोइरालाले भने, ‘हाम्रो राजनीतिक प्रतिस्पर्धी कस्ता छन् र भावी दिनमा के गर्लान् भनी अड्कल काट्न चाहन्न । तर, अहिले सरकारमा गएका हाम्रा साथीहरूले जनताको विश्वास र मन जित्ने गरी काम गर्न सकेनन् भने हाम्रो पार्टीमा नसोचेको गिरावट आउने खतरा म देख्छु ।’
बैठकमा सहभागी एक नेताका अनुसार कोइरालाले बोल्दाबोल्दै देउवाले रोकेर भने, ‘महाधिवेशन नियमित समयमै हुन्छ । सार्ने कुरै छैन । सबै एक भएर त्यसमा लागौं ।’ नेता डा.कोइरालाले संघ र प्रदेशमा मन्त्री छनोटप्रति असन्तुष्टि जनाएका छन् । दुई ठूला दल (नेपाली कांग्रेस र नेकपा एमाले) सुशासनका लागि एक ठाउँमा आएको भनिए पनि व्यवहारमा त्यस्तो नदेखिएको उनले बताएका थिए ।
‘वर्तमान सरकार गठनको सन्दर्भमा नेपाली कांग्रेस र एमालेले सुशासनको धेरै प्रतिबद्धता गरेका छन्’ कोइरालाले भने, ‘तर व्यवहारमा संघ र प्रदेशमा मन्त्रीहरु छनौटले सुशासनलाई जिस्काइरहेको छ । हामी किन यसरी सुशासनको सन्दर्भमा बारम्बार चुक्दैछौँ ?’
गठबन्धनको कारण ठूलो दल भएपनि कांग्रेसको जनाधार खुम्चिएको निर्वाचन परिणामले देखाएको उनले बताए ।
1679298112.jpg)
1674115170.jpg)
.jpg)
1691312161.jpg)
.jpg)
प्रतिक्रिया गर्न लग इन गर्नु होस्:
Log in with Google