.png "Win Recruit Nepal"){kind=logo}
भक्तपुर । बागमती प्रदेशकी सामाजिक विकास मन्त्री हरिप्रभा खड्गीले देशलाई भ्रष्टाचार मुक्त गर्न स्वास्थ्य र शिक्षा निःशुल्क गर्नु पर्ने बताएकी छन् । श्री पद्यम माध्यमिक विद्यालयको १०१ औँ वार्षिकोत्सव कार्यक्रममा बोल्दै उनले यस्ताे बताएकी हुन् ।
उनले भनिन्, 'समाजको भ्रष्टाचारको जड भनेको स्वास्थ्य र शिक्षासँग जोडिएर आउने हाे । आफ्ना बालबालिकालाई महँगो र राम्रो स्थानका पढाउन चाहनु र स्वास्थ्यका लागि भौँतारिनु पर्दा पनि भ्रष्टाचार मौलाएको हो ।' यसको निराकरणका लागि बागमती प्रदेशले निःशुल्क शिक्षाका लागि काम गर्दै आएको बताएकी हुन् ।
भविष्य निर्धारण गर्ने भनेको कलम किताबले नै हो सोही कारण यसलाई निःशुल्क बनाउन हामी लागी परेकाे उनले बताइन् ।
मन्त्री खड्गीले हाल सिक्दै कमाउँदै कार्यक्रम लागु गर्न लागेको समेत बताइन् । नेपाली विद्यार्थीलाई विदेशी न रोक्न पनि पढ्दै कमाउँदै कार्यक्रम थालनी गरिएको उनको भनाई थियो ।
यस्तै कार्यक्रममा बागमती प्रदेश सभा सदस्य सुरेश श्रेष्ठले सामुदायिक विद्यालय सुधार भए मात्र समाजमा पूर्ण शिक्षित हुने बताए । उनले सामुदायिक विद्यालयमा हामी आफ्नो र सामुदायिक विद्यालयका शिक्षकको नै भरोसा कम भएका कारण यस प्रति नकारात्मकता आएको बताएका थिए ।
उनले भक्तपुरका सामुदायिक विद्यालय अन्य जिल्लाका भन्दा अव्वल भएको बताउँदै यसलाई अझ निरन्तरता दिन सबै मिलेर लाग्नुपर्ने समेत बताएका थिए ।
कार्यक्रममा बागमती प्रदेशकी पूर्व राज्य मन्त्री रजनी जोन्छे अमात्य, विद्यालय व्यवस्थापन समितिका पूर्व सभापति तिलक प्रकाश कायस्थ, अनन्त धौभडेल लगायत विद्यालयका प्राचार्य राम हाडा लगायतको उपस्थिति रहेको थियो, भने कार्यक्रमको सभापतित्व विद्यालय व्यवस्थापन समितिका अध्यक्ष बाबु राजा जोशीले गरेका थिए ।
कार्यक्रममा लामो समय देखि विद्यालयमा अध्यापन गराउने शिक्षक शिक्षिका तथा कर्मचारीहरूको सम्मान समेत गरिएको थियो । यस्तै कार्यक्रममा विभिन्न शीर्षक अन्तर्गत प्रदान गरिँदै आएको छात्रवृत्ति समेत प्रदान गरिएको र उत्कृष्ट विद्यार्थीहरू खेलाडी तथा अन्यलाई सम्मान समेत गरिएको थियो ।
1679298112.jpg)
1674115170.jpg)
.jpg)
1691312161.jpg)
.jpg)
प्रतिक्रिया गर्न लग इन गर्नु होस्:
Log in with Google