.png "Win Recruit Nepal"){kind=logo}
काठमाडौं । राजसंस्था फिर्ता ल्याउने अभियान शुरु गरेका व्यवसायी दुर्गा प्रसाईले नेकपा एमाले छोड्ने घोषणा गरेका छन् ।
एमालेका केन्द्रीय सदस्य समेत रहेका प्रसाईलाई पार्टीले निष्कासनको प्रक्रिया अगाडि बढाएपछि उनले एमाले छोड्ने घोषणा गरेका हुन् ।
उनलाई एमालेको प्रदेश १ कमिटीले पार्टीको साधरण सदस्य समेत नरहने गरी निष्कासन गर्न केन्द्रमा शुक्रबार सिफारिस गरेको थियो ।
प्रसाईंले फागुन १ गते झापामा पूर्वराजा ज्ञानेन्द्र शाहलाई सहभागी गराएर राजसंस्था फिर्ता ल्याउने अभियानको शुरुवात गरेका थिए ।
आइतबार झापामा पत्रकारहरुसँग प्रसाईंले काठमाडौं गएर राजीनामा दिने बताए । एमालेको केन्द्रीय सदस्य रहेका प्रसाई एमालेको उद्योग, वाणिज्य तथा आपूर्ति विभागको सहइन्चार्ज समेत हुन् । हालै सम्पन्न निर्वाचनमा उम्मेदवार नबनाएपछि प्रसाईले एमालेबाट दुरी बनाएका थिए ।
1679298112.jpg)
1674115170.jpg)
.jpg)
