.png "Win Recruit Nepal"){kind=logo}
काठमाडाैं । नेकपा माओवादी केन्द्रका अध्यक्ष तथा पूर्वप्रधानमन्त्री पुष्पकमल दाहाल प्रचण्डले उपमहासचिव जनार्दन शर्माले पार्टी फुटाउने भन्ने आशंका गलत पुष्टि भएको बताएका छन् । स्थायी समिति बैठकपछि बिहीबार पार्टी कार्यालयमा सञ्चारकर्मीलाई संक्षिप्त प्रतिक्रिया दिँदै प्रचण्डले भने, ‘पार्टी फुट्ने हल्ला निराधार हो । पार्टीमा गरिएको आशंका र भ्रम पनि यो बैठकबाट चिरियो । कमरेड प्रभाकरले पार्टी फुटाउने भनेर भएको चर्चा आशंका गलत हो ।’
त्यसैगरी, पार्टी विभाजनबारे चलेको हल्ला पनि गलत भएको प्रचण्डले बताए । प्रचण्डले नै पोखरा पुगेर एक महिनापहिला केही नेताहरू पार्टी विभाजन गर्न थालेको बताएका थिए । शर्माले स्थायी समिति बैठकमा प्रचण्डले आफूविरुद्ध पार्टी विभाजन गर्न थालेको हल्ला चलाएको लिखित प्रस्तावमा उल्लेख गरेका छन् ।
वर्तमान केपी शर्मा ओली सरकारको काम कारबाहीबारे केही दिनमा संसदमै बोल्ने बताएका छन् । ‘यो सरकारको विषयमा म केही दिनमा संसदमै बोल्छु ।’
टीआरसी विधेयकका सवालमा प्रचण्डले अब शान्ति प्रक्रिया टुङ्गोमा पुग्न लागेको भन्दै लामो समय लगाएर विधेयकलाई पीडितमैत्री बनाउने प्रयास गरिएको बताए । उनले भने, ‘पीडित साथीहरूलाई ढुक्क रहन आग्रह गर्छु । अब सबै मिलेर कार्यान्वयनमा लैजानुपर्छ । उनीहरूका लागि परिपूरण र सम्मान भएकाले कसैले पनि अन्यथा लिनुपर्ने छैन ।’
1679298112.jpg)
1674115170.jpg)
.jpg)
1691312161.jpg)
.jpg)
प्रतिक्रिया गर्न लग इन गर्नु होस्:
Log in with Google