.png "Win Recruit Nepal"){kind=logo}
काठमाडौँ । नेपाली कांग्रेसले स्थानीय तह उपनिर्वाचनको परिणामलाई सन्तोषजनक एवं उत्साहवर्धक सङ्केतका रूपमा लिइएको जनाएको छ । स्थानीय तह उपनिर्वाचन केन्द्रीय संयोजन समितिका संयोजक तथा महामन्त्री विश्वप्रकाश शर्माले आज विज्ञप्ति जारी गरेर परिणामलाई सन्तोषजनक एवं उत्साहवर्धक सङ्केतका रूपमा लिइएको जनाएका हुन् ।
उनले उपनिर्वाचनमा मतदाताले व्यक्त गरेको मतमार्फत प्राप्त सन्देशको विश्लेषण र समग्र समीक्षा गर्न बाँकी रहे पनि प्रारम्भिक समीक्षामा ‘एक्लै लडेर प्राप्त स्थान’ लाई कांग्रेसले सन्तोषजनक एवं उत्साहवर्धक सङ्केतका रूपमा लिएको विज्ञप्तिमा उल्लेख गरेका छन् । उनले उपनिर्वाचनबाट पहिलो दलको हैसियत पाएको भन्दै मतदाताप्रति आभार प्रकट गरेका छन् ।
स्थानीय तहमा रिक्त ४४ मध्ये १९ स्थानमा मात्रै उम्मेदवार विजयी भए पनि ०७९ मा गठबन्धन गरेर चुनाव लड्दा प्राप्त स्थानभन्दा एक्लै लडेर प्राप्त स्थान सङ्ख्यात्मक कम भए पनि राजनीतिक, साङ्गठनिक र गुणात्मक रूपले बढी महत्त्वपूर्ण भएको कांग्रेसको ठहर छ ।
‘०७९ मा विजय पाएको केही स्थान हामीले गुमाएका छौँ भने त्यसबेला अन्य दलले जितेका केही स्थानमा विजय हासिल गरेका छौँ । लोकतन्त्रमा शतप्रतिशत स्थानमा जितको अपेक्षा लोकतान्त्रिक सोच हुन्न, तर जीत र हार व्यहोरेका सबै स्थानको कारण र प्रवृत्तिको वस्तुगत समीक्षा आगामी चुनावी रणनीति निर्माणका लागि महत्त्वपूर्ण रहने हाम्रो निष्कर्ष छ । हामी यो गर्नेछौँ,’ महामन्त्री शर्माले भनेका छन् ।
1679298112.jpg)
1674115170.jpg)
.jpg)
1691312161.jpg)
.jpg)
प्रतिक्रिया गर्न लग इन गर्नु होस्:
Log in with Google