गणेश साउद जिसीको निर्देशन रहेकाे 'मन जलि' सार्वजनिक

दर्पण दैनिक

१६ श्रावण २०८३,२०:०८

काठमाडाैँ । सुदूर धमाका प्रोडक्सन हाउसको प्रस्तुतिमा तयार गरिएको नयाँ देउडा गीत 'मन जलि' शुक्रबार, साउन १५ (खिर खाने दिन) को विशेष अवसर पारेर सार्वजनिक गरिएको छ।

दिनेश साउद र गौरी भट्टको आवाजमा सजिएको उक्त गीतले सार्वजनिक भएसँगै देउडा संगीतप्रेमीहरूको राम्रो प्रतिक्रिया बटुल्न थालेको छ ।

गीतको निर्देशन लोकप्रिय गायक तथा मोडल गणेश साउद जिसीले गरेका हुन् । गीतको भिडियोमा सपना भण्डारी र सुरेश साउदको आकर्षक अभिनय देख्न सकिन्छ । सुदूरपश्चिमको मौलिक संस्कृति, प्रेम र भावनालाई समेटेर तयार गरिएको गीतका शब्द तथा संगीतले दर्शक–श्रोताको मन छुने विश्वास निर्माण गरेको छ ।

मार्मिक शब्द, मिठासपूर्ण प्रस्तुति र मौलिक देउडा लयका कारण 'मन जलि' विशेषगरी सुदूरपश्चिमका देउडा पारखीहरूको मन जित्ने अपेक्षा गरिएको छ । सार्वजनिक भएको छोटो समयमै गीतले सकारात्मक प्रतिक्रिया प्राप्त गरिरहेको निर्माण पक्षले जनाएको छ ।

मौलिक कला, संस्कृति र देउडा संगीतको संरक्षण तथा प्रवर्द्धन गर्ने उद्देश्यले तयार गरिएको यो गीतले नेपाली लोकसंगीतमा थप योगदान पुर्‍याउने विश्वास गरिएको छ।

भिडियाे : https://youtube.com/watch?v=zgZYvQfnPXI&si=rSS0K04ImIQkhGUA