.png "Win Recruit Nepal"){kind=logo}
काभ्रेपलाञ्चोक । तेमाल गाउँपालिका-२ स्थित श्री सर्वोद्धार माध्यमिक विद्यालयमा एसइई प्रोत्साहन पुरस्कार तथा शैक्षिक सामग्री वितरण कार्यक्रम सम्पन्न भएको छ ।
कार्यक्रममा एसइई २०८२ मा सहभागी ४ जना जेहेन्दार विद्यार्थीहरूलाई अध्ययनमा थप प्रोत्साहन पुगोस् भन्ने उद्देश्यले जनही ५० हजार रुपैयाँका दरले प्रोत्साहन पुरस्कार प्रदान गरिएको छ । पुरस्कारसँगै विद्यार्थीहरूलाई आवश्यक शैक्षिक सामग्रीसमेत वितरण गरिएको थियो ।
विद्यालय व्यवस्थापन समितिका अध्यक्ष विकास लामाको सभापतित्वमा सम्पन्न उक्त कार्यक्रममा प्रमुख अतिथि तेमाल गाउँपालिकाका अध्यक्ष चन्द्रबहादुर तामाङ, विशेष अतिथिका रूपमा गाउँपालिकाका उपाध्यक्ष दलमान थोकर तथा वडा अध्यक्ष देवराज तामाङ थिए ।
सहायक प्रधानाध्यापक असमान तामाङले स्वागत मन्तव्यद्वारा सुरु गरेको कार्यक्रममा प्रधानाध्यापक ज्ञान्जामान तामाङले विद्यालयको शैक्षिक प्रगति, वस्तुस्थिति तथा विद्यार्थीहरूले हासिल गरेका उपलब्धिका विषयमा आफ्ना विचार व्यक्त गरे ।
कार्यक्रममा तेमाल गाउँपालिका शिक्षा शाखाका प्रतिनिधि भीमलाल लामाले पनि शिक्षाको गुणस्तर सुधार र पालिकाको सहयोग सम्बन्धी जानकारी गराएका थिए ।
शिक्षक कुलबहादुर तामाङले कुशल सञ्चालन गरेको उक्त कार्यक्रममा स्थानीय जनप्रतिनिधि, अभिभावक, शिक्षक तथा विद्यार्थीहरूको बाक्लो उपस्थिति रहेको थियो ।
प्रतिक्रिया गर्न लग इन गर्नु होस्:
Log in with Google