.png "Win Recruit Nepal"){kind=logo}
काठमाडौँ । टीभीएस मोटरसाइकलको एक मात्र आधिकारिक वितरक जगदम्बा मोटर्सले नाइमा २०२५ मा सार्वजनिक गरेको टीभीएस रोनिन २२५ को २०२५ संस्करण आकर्षक ‘मिडनाइट ब्लु’ रङ्गमा आएको छ । यो नयाँ संस्करणले प्रिमियम डिजाइन, बहुप्रयोगी प्रदर्शन, र आधुनिक राइडर-केंद्रित सुविधाका कारण मोटरसाइकल प्रेमीहरूको ध्यान तानेको छ ।
हल बीको स्टल एल३ए मा प्रदर्शन गरिएको यस मोटरसाइकलले अत्याधुनिक प्रविधि, उत्कृष्ट इन्जिनियरिङ् र बहु प्रदर्शन क्षमताको संयोजन गर्दै सहरभित्रको दैनिक यात्रा देखि एड्भेन्चर यात्रा, दुबैमा उपयुक्त बनाएको छ ।
सवारीको हरेक मोडका लागि तयार
यस मोटरसाइकलको मुटुमा रहेको परिष्कृत इन्जिनले स्मुथ टर्क डेलिभरी र थ्रोटलमा उत्कृष्ट रेस्पोन्स दिन्छ । अर्बन र रेन राइडिङ मोड बिच सहज रूपमा स्विच गर्न मिल्ने यस मोटरसाइकलले विभिन्न सडक र मौसम अवस्थामै पनि विश्वस्त नियन्त्रण दिन्छ ।
प्रिमियम विशेषताहरुमा स्मार्टएक्सोनेक्ट टीएम ब्लुटुथ जडान, स्मार्टफोनसँग सजिलै जोडिने र नेभिगेसन सहायता दिने, ब्रेकिङमा थप सुरक्षाका लागि डुअल-च्यानल एबीएस मोडहरू, राम्रो ह्यान्डलिङ र स्थिरता प्रदान गर्ने अपसाइड डाउन (युएसडी) फ्रन्ट फोर्क, चालकको सुविधाअनुसार मिलाउन सकिने एड्जस्टेबल लिभरहरू, अर्बन र रेन, फरक अवस्थाका लागि अनुकूल विशेष राइडिङ मोडहरू रहेका छन् ।
रङमै फरक पहिचान
रोनिन २२५ को मिडनाइट ब्लु रङले यसलाई थप आकर्षक बनाएको छ। स्टाइल र परफर्मेन्सलाई बराबरी महत्त्व दिने राइडरहरूका लागि यो एकदमै उपयुक्त मोटरसाइकल बन्न सक्छ।
प्रारम्भिक मूल्य र विक्रेता प्रतिबद्धता
४ लाख ५९ हजार ९०० रुपैयाँको प्रारम्भिक मूल्यमा उपलब्ध यो नयाँ संस्करणले नेपाली राइडरहरूलाई अन्तर्राष्ट्रिय स्तरको मोटरसाइकल प्रदान गर्ने जगदम्बा मोटर्सको प्रतिबद्धतालाई झल्काउँछ ।
कम्पनीको बलियो डिलर सञ्जाल, उत्कृष्ट बिक्री-पछिको सेवा, र ग्राहक-मैत्री नीतिले यसलाई अझ भरोसायोग्य बनाएको छ । डिजाइन, प्रविधि र मूल्यको सन्तुलनले सुसज्जित टिभीएस रोनिन २२५ २०२५ संस्करणले अबको प्रिमियम मोटरसाइकल बजारमा नयाँ मापदण्ड स्थापित गर्ने तयारी गरेको छ।
.jpg)
_GnRvz8QHio.jpg)
.jpeg)
.jpeg)
.jpg)
.jpg)
प्रतिक्रिया गर्न लग इन गर्नु होस्:
Log in with Google