.png "Win Recruit Nepal"){kind=logo}
काठमाडौं । अण्डाको मूल्य बढ्ने भएको छ । नेपाल लेयर्स कुखुरापालक संघले मंगलबारदेखि लागू हुने गरी मूल्य समायोजन गर्ने निर्णय गरेको संघका अध्यक्ष विनोद पोखरेलले जानकारी दिए । नेपाल लेयर्स कुखुरापालक संघको साउन ४ र ५ गते भएको भौतिक र भर्चुअल बैठकमा अण्डा उत्पादकहरुको राय सुझाव र सिफारिस अनुसार अण्डाको समर्थन मूल्य तय गरिएको उनको भनाइ छ ।
अत्यधिक गर्मीका कारण अण्डाको उत्पादनमा गिरावट आएपछि मूल्य समायोजन गर्नुपरेको उनको भनाइ छ । संघले बजारमा उपलब्ध अण्डाका तीन आकार-मध्यम, ठूलो र एक्स–एल—का मूल्यमा प्रतिक्रेट १५ रुपैयाँको दरले वृद्धि गरेको छ ।
नयाँ मूल्यअनुसार अब मध्यम अण्डाको मूल्य प्रतिक्रेट ४९५ रुपैयाँ, ठूलो अण्डा ५१० रुपैयाँ र एक्स–एल अण्डा ५४० रुपैयाँ पुगेको छ। उक्त मूल्य किसानले प्राप्त गर्ने मूल्य हो । खुद्रा मूल्य भने थप हुने छ । यसअघि किसानले मध्यमको लागि ३८५, ठूलो अण्डाको लागि ४८०, र एक्स–एल अण्डाको लागि ५२५ रुपैयाँ पाउँदै आएका थिए । नेपाल लेयर्स कुखुरापालक संघका सचिव मदन पोखरेलले चितवनबाट लोडभइ देशभरका अण्डा बिक्री डिपोमा पुर्याउँदा भाडा, कार्टुन र क्रेटसहित प्रतिपेटी १३० रुपैयाँ थप लाग्ने जनाए ।
.jpg)
_GnRvz8QHio.jpg)
.jpeg)
.jpeg)
.jpg)
.jpg)
प्रतिक्रिया गर्न लग इन गर्नु होस्:
Log in with Google