.png "Win Recruit Nepal"){kind=logo}
सन्तोष दहाल, ललितपुर । जिल्ला पर्यटन सहकारी संघ लिमिटेड ललितपुरको प्रथम देखि नवौँ साधारणसभा सम्पन्न भएको छ ।आईतबार केन्द्रीय पर्यटन सहकारी संघका अध्यक्ष रामशरण शर्माको उपस्थितिमा साधारण सभा सम्पन्न भएको हो ।
विगत लामो समयदेखी गठन भएर पनि निष्क्रिय अवस्थामा रहेको जिल्ला पर्यटन सहकारी संघको गत मङ्सिर २३ गते सम्पन्न विशेष साधारणसभाबाट रुपेश तिमल्सिनाको अध्यक्षतामा नयाँ सञ्चालक समिती तथा लेखा सुपरीवेक्षण समिती गठन भएसँगै संघले आफ्ना कारोबार र गतिविधिहरुलाई अगाडि बढाएको छ ।
सोमबारको साधारणसभामा बोल्दै अध्यक्ष तिमल्सिनाले अबका दिनमा कार्यालय सञ्चालन,व्यवसाय दर्ता प्रक्रिया अगाडि बढाउनुको साथै यसै आर्थिक वर्षमा संघको रणनीतिक योजना तर्जुमा गरि संस्था सञ्चालनको लागि आवश्यक कार्यविधी बनाएर अघि बढ्ने बताए । साथै संघमा आबद्ध संस्थाहरुसंग त्रैमासिक रुपमा अन्तरक्रिया कार्यक्रम सञ्चालन गर्ने, संस्थाका सदस्य,सञ्चालक लेखा कर्मचारीहरुलाई नेतृत्व क्षमता विकास सम्बन्धी तालिम,नीति विधि, प्रविधी मैत्री संस्था सन्चालनको लागि योजना बनाई कार्यान्वयनमा ल्याउने उनको भनाई छ ।
कार्यक्रममा जिल्ला सहकारी संघ ललितपुरका अध्यक्ष केदार गोर्खालीले संघलाई शुभकामना व्यक्त गरे । केन्द्रिय दुग्ध सहकारी संघका उपाध्यक्ष कृष्ण प्रसाद सापकोटाले पनि शुभकामना व्यक्त गर्दै आफुहरु पर्यटन सहकारी संघ संग सहकार्य गरेर जान तयार रहेको बताए ।
राष्ट्रिय सहकारी बैंकका सञ्चालक तथा जिल्ला बचत तथा ऋण सहकारी संघका अध्यक्ष रामहरि बजगाईँले आफुहरु पर्यटन सहकारी संघलाई सबै आवश्यक सहयोग गर्न तयार रहेको बताए । केन्द्रिय पर्यटन सहकारी संघका अध्यक्ष रामशरण शर्मा घिमिरेले शुभकामना व्यक्त गर्दै लामो समयदेखी निष्क्रिय रहेको संघलाई सक्रिय बनाउन भुमिका खेल्ने सबैलाई धन्यवाद दिँदै सहकारीलाइ पर्यटन विकाससँग जोडेर लैजान सुझाव दिए ।
जिल्ला पर्यटन सहकारी संघमा हाल १४ वटा प्रारम्भिक सहकारी संस्थाहरु आबद्ध छन्, भने संघ राष्ट्रिय सहकारी महासंघ लिमिटेड, बाग्मती प्रदेश सहकारी संघ, नेपाल केन्द्रीय पर्यटन सहकारी संघ र जिल्ला सहकारी संघ ललितपुरमा आबद्ध रहेको छ ।
.jpg)
_GnRvz8QHio.jpg)
प्रतिक्रिया गर्न लग इन गर्नु होस्:
Log in with Google