.png "Win Recruit Nepal"){kind=logo}
काठमाडाैं । नबिल बैंकले एकसाथ ३८ वटा शाखा कार्यालय सञ्चालनमा ल्याएको छ । बिहीबार बैंक स्थापना भएको ३८ वर्ष पूरा भएको अवसरमा काठमाडौंमा आयोजित कार्यक्रममा देशभरका ३८ नयाँ शाखाको उद्घाटन गरिएको हो । बैंकले ‘नबिल बैंक अब तपाईंसँग अझै नजिक’ भन्ने नाराका साथ सरल र सबल बैंकिङ सेवा प्रदान गर्न सातै प्रदेशमा शाखा विस्तार गरिरहेको छ ।
कार्यक्रममा बैंकका अध्यक्ष उपेन्द्र पौडेलले नबिल बैंकको सेवामा धेरै भन्दा धेरै डिजिटल टेक्नोलोजी प्रयोग गरेर सेवा दिने प्रयास गरिरहेको बताए । उनले बैंकको देशभर एकैसाथ ३८ वटा शाखा विस्तार गर्ने विषय सजिलो नरहेको बताए । उनले आफूले काम गर्ने समयमा निजी क्षेत्रका बैंकको शाखाहरू एकदमै कम भएको तर सरकारी बैंकका शाखा धेरै भएको बताए ।
उनले डिजिटल प्रविधिको कारणले बैंकहरूको धेरै शाखा भए पनि कम कर्मचारी भए पनि शाखा सञ्चालन गर्न सकिएको बताए । उनले सरकार र राष्ट्र बैंकले मुलुकमा वित्तीय साक्षरता बढाउँदै जानुपर्ने बताए । अध्यक्ष पौडेलले अब बैंकिङ क्षेत्र बरोइङ र नाफामा मात्रै अगाडि बढ्न नसक्ने बताए ।
उनले अबको बैंकिङ आफ्ना लागि भन्दा पनि समाज र राष्ट्रका लागि गरेको योगदानको मापन गर्नुपर्ने अवस्था रहेको बताए । उनले बैंकका निक्षेपकर्ताहरूले आफूले बैंकमा राखेको पैसा केमा लगानी लगाइएको छ भनेर जानकारी दिनुपर्ने बेला आएको बताए ।
बैंक ३८ नयाँ शाखामध्ये सबैभन्दा बढी बागमती प्रदेशमा १३ वटा नयाँ शाखा सञ्चालनमा ल्याइएको छ । त्यस्तै, कोशी प्रदेशमा एक, मधेस प्रदेशमा आठ, गण्डकी प्रदेशमा तीन, लुम्बिनी प्रदेशमा १० कर्णाली प्रदेशमा एक र सुदूरपश्चिम प्रदेशमा दुईवटा नयाँ शाखा सञ्चालनमा ल्याएको हो । ३८ नयाँ शाखा सञ्चालनमा आएसँगै बैंकका शाखा कार्यालयको संख्या २५५ पुगेको छ ।
| क्र.स | प्रदेश | नयाँ शाखा संख्या | शाखा | जिल्ला |
|---|---|---|---|---|
| 1 | कोशी प्रदेश | १ | दिक्तेल | खोटाङ |
| 2 | मधेश प्रदेश | ८ | विरगंज बाइपास | पर्सा |
| गरुडा | रौतहट | |||
| कलैया | बारा | |||
| गौशाला | महोत्तरी | |||
| बरथहवा | सर्लाही | |||
| लालबन्दी | सर्लाही | |||
| कञ्चनपुर | सप्तरी | |||
| जलेश्वर | महोत्तरी | |||
| 3 | बागमती प्रदेश | १३ | प्रयाग पोखरी | ललितपुर |
| नरेफाँट | काठमाडौं | |||
| चापागाउँ | ललितपुर | |||
| भेडासिंह | काठमाडौं | |||
| लाजिम्पाट | काठमाडौं | |||
| बनस्थली | काठमाडौं | |||
| मच्छेगाँउ | काठमाडौं | |||
| धादिङ बेसी | धादिङ | |||
| फर्पिङ | काठमाडौं | |||
| बल्खु | काठमाडौं | |||
| नैकाप | काठमाडौं | |||
| बौद्ध रामहिटी | काठमाडौं | |||
| ठिमी | भक्तपुर | |||
| 4 | गण्डकी प्रदेश | ३ | गल्कोट | बाग्लुङ |
| आबु खैरेनी | तनहुँ | |||
| अर्चलबोट | कास्की | |||
| 5 | लुम्बिनी प्रदेश | १० | लुम्बिनी | रुपन्देही |
| तौलिहवा | कपिलवस्तु | |||
| रामग्राम | नवलपरासी पश्चिम | |||
| गुलरिया | बर्दिया | |||
| फर्साटिकर | रुपन्देही | |||
| बाणगंगा | कपिलवस्तु | |||
| तम्घास | गुल्मी | |||
| सुखानगर | रुपन्देही | |||
| भानुभक्त चोक, न्युरोड | बाँके | |||
| नारायणपुर | दाङ | |||
| 6 | कर्णाली प्रदेश | १ | चन्दननाथ | जुम्ला |
| 7 | सुदूरपश्चिम प्रदेश | २ | बोराडाँडी | कैलाली |
| अमरगडी | डडेल्धुरा | |||
| ३८ |
.jpg)
_GnRvz8QHio.jpg)
.jpeg)
.jpeg)
.jpg)
.jpg)
प्रतिक्रिया गर्न लग इन गर्नु होस्:
Log in with Google