.png "Win Recruit Nepal"){kind=logo}
काठमाडाैं । नेपाल आयल निगमले पेट्रोलियम पदार्थको मूल्य घटाएको छ । आज राति १२ बजेदेखि लागू हुने गरी निगमले पेट्रोलियम पदार्थको मूल्य घटाएको हो ।
इन्डियन आयल कर्पोरेशनबाट आज प्राप्त खरिद मूल्यअनुसार पेट्रोलियम पदार्थको मूल्य घटेकाले नेपालमा पनि घटाइएको निगमले जानकारी दिएको छ । निगमका अनुसार इन्डियन आयल कर्पोरेशनले पेट्रोलमा प्रतिलिटर १.२६ रुपैया र डिजेलमा प्रतिलिटर ०.८३ रुपैयाँ मूल्य घटाएर पठाएको छ ।
सोहीअनुसार पेट्रोल तथा डिजेल/मट्टितेलको मूल्य प्रतिलिटर १ रुपैयाँ घटाइएको निगमले जानकारी दिएको छ । अब पेट्रोल पहिलो वर्गमा प्रतिलिटर १६३.५० रुपैयाँ, दोस्रो वर्गमा १६५ रुपैयाँ र तेस्रो वर्गमा १६६ रुपयाँ पर्नेछ । त्यस्तै डिजेल/मट्टितेल पहिलो वर्गमा १५३.५० रुपैयाँ, दोस्रो वर्गमा १५५ रुपैयाँ र तेस्रो वर्गमा १५६ रुपैयाँ प्रतिलिटर पर्नेछ ।
पहिलो वर्गमा चारआली, विराटनगर, जनकपुर, अमलेखगञ्ज, भलवारी, नेपालगञ्ज र वीरगञ्ज पर्दछन् । त्यस्तै दोस्रो वर्गमा सुर्खेत र दाङ तथा तेस्रो वर्गमा काठमाडौं, पोखरा र दिपायल पर्ने निगमले जानकारी दिएको छ ।
.jpg)
_GnRvz8QHio.jpg)
प्रतिक्रिया गर्न लग इन गर्नु होस्:
Log in with Google