.png "Win Recruit Nepal"){kind=logo}
ललितपुर । दृश्य बहुउद्देश्यीय सहकारीले दुग्ध उत्पादक किसानहरुलाई लिटर अनुदान वितरण गरेकाे छ । पशुपंक्षी तथा मत्स्य विकास निर्देशनालय बागमति प्रदेश, हेटौंडा दुग्ध उत्पादक किसानलाई प्रोत्साहन स्वरुप लिटर अनुदान कार्यक्रम दृश्य बहुउद्देश्यीय सहकारीले आव २०७८।७९ को प्राप्त गरेकाेले साे अनुदान वितरण गरेकाे हाे ।
कार्यक्रममा नेपाल उद्योग वाणिज्य महासंघ अन्तर्गत कृषि उद्यम केन्द्रका सभापति, सहकारी महासंघका संचालक, नेप्सकुनका पूर्व अध्यक्ष डि.बि बस्नेतको प्रमूख आतिथ्यता एवं सहकारीका अध्यक्ष प्रल्हाद दाहालको अध्यक्षतामा कार्यक्रम भएको थियो । सो कार्यक्रममा विशिष्ट अतिथि भेटनरी अस्पताल तथा पशु विज्ञ केन्द्र ललितपुरका प्रमूख कृष्ण कार्की र ललितपुर महानगरपालिकाका कार्यबाहक अध्यक्ष कृष्ण महर्जन लगायत अनुदान प्राप्त गर्ने किसानहरु सहित करिव १२० जनाको उपस्थिति रहेको थियो ।
प्रमूख अतिथि बस्नेतले आफ्नो मन्तव्यको क्रममा सहकारी एउटा माध्यम बनेर किसानको हितमा काम गरिरहेको बताए । सहकारीको साथमा किसानले आफ्नो हितमा काम गराउन सक्ने समेत बताए ।
भेटनरी अस्पताल तथा पशुसेवा विज्ञ केन्द्रका प्रमूख कृष्ण कार्कीले बागमति प्रदेशको यो प्रोत्साहन अनुदान किसानको लागि हौसला प्रदान गर्न र थप हरेक वर्ष दुध उत्पादन बढाएर विक्रि गर्न भनि किसानलाई दिईएको अनुदानको सहि सदुपयोग हुनुपर्नेमा जाेड दिए । ललितपुर महानगरपालिका वडा नं. ११ का कार्यबाहक अध्यक्ष कृष्ण महर्जनले सहकारीले राम्रो काम गरेको र किसानमुखी रहेकोमा आफू अत्यन्तै खुशी रहेको बताए ।
सहकारीले १८ लाख २६ हजार ७ सय ६१ रूरपैयाँ अनुदान पाएको थियो । सो रकम १०८ जना किसानलाई बितरण गरिएको छ । अब अर्को वर्ष अझ योभन्दा बढी सहयोग गर्न सहकारी लागि पर्ने सहकारीका अध्यक्ष प्रल्हाद दाहाले बताए । उनले भने, 'सहकारीमा आबद्ध भएपछि सहकारीको नीति नियम मान्न अनिवार्य हुन्छ । हामीले कति कमाइयो भन्नुभन्दा पनि कति बचाइयो भन्ने कुरा प्रमुख हो ।' सबै किसानहरुलाई बधाई दिदै आगामी दिनमा अरु थप प्रोत्साहन प्राप्त गर्न आफूले सहयोग गर्ने अध्यक्ष दाहालले बताए ।
.jpg)
_GnRvz8QHio.jpg)
.jpeg)
.jpeg)
.jpg)
.jpg)
प्रतिक्रिया गर्न लग इन गर्नु होस्:
Log in with Google