.png "Win Recruit Nepal"){kind=logo}
काठमाडौँ । नेपालको व्यापार घाटा १५ खर्ब नाघेको छ । भन्सार विभागका अनुसार गत आर्थिक वर्ष २०८१/८२ को असारमसान्तसम्म १५ खर्ब २७ अर्ब ९ करोड २५ लाख रुपैयाँ बराबर व्यापार घाटा पुगेको हो । १८ खर्ब ४ अर्ब १२ करोड २७ लाख ३१ हजार रुपैयाँ बराबरको वस्तु आयात हुँदा २ खर्ब ७७ अर्ब ३ करोड रुपैयाँ बराबरको वस्तु निर्यात भएको छ ।
अघिल्लो आवको यसै अवधिको तुलनामा व्यापार घाटा ६ प्रतिशतले बढेको हो । अघिल्लो २०८०/८१ मा १४ खर्ब ४० अर्ब ६० करोड ४२ लाख रुपैयाँ बराबरको व्यापार घाटा थियो । उक्त वर्षको नेपालमा १५ खर्ब ९२ अर्ब ९८ करोड ५५ लाख २८ हजार रुपैयाँ बराबरको वस्तु आयात भएको थियो, भने निर्यात १ खर्ब ५२ अर्ब ३८ करोड १२ रुपैयाँ बराबरको भएको थियो ।
समग्र वैदेशिक व्यापारमा वृद्धि
अघिल्लो आर्थिक वर्षको तुलनामा गत आर्थिक वर्षमा नेपालको समग्र वैदेशिक व्यापारमा वृद्धि भएको छ । भन्सार विभागको तथ्यांक अनुसार वैदेशिक व्यापार १९.२४ प्रतिशतले बढेको छ । यस्तै आयात १३.२५ प्रतिशत तथा निर्यात ८१.८० प्रतिशतले वृद्धि भएको विभागले जनाएको छ ।
गएको एक वर्षको अवधिमा वैदेशीक व्यापार २० खर्ब ८१ अर्ब १५ करोड २९ लाख ३३ हजार रुपैयाँको पुगेको छ । जुन अघिल्लो आर्थिक वर्षको सोही अवधिको तुलनामा नेपालको १९.२४ प्रतिशतले धेरै हो । अघिल्लो आर्थिक वर्षमा वैदेशीक व्यापार १७ खर्ब ४५ अर्ब ३६ करोड ६७ लाख ७२ हजार रुपैयाँ बराबरको वैदशिक व्यापार भएको थियो ।
.jpg)
_GnRvz8QHio.jpg)
.jpeg)
.jpeg)
.jpg)
.jpg)
प्रतिक्रिया गर्न लग इन गर्नु होस्:
Log in with Google