.png "Win Recruit Nepal"){kind=logo}
काठमाडौं । वाणिज्य बैंकबाट प्रवाह हुने कर्जाको ब्याजदर घटेको छ । एक वर्षमा १५ प्रतिशतले ब्याजदर घटेको हो । गत वर्ष माघमा बैंकबाट प्रवाह हुने कर्जाको ब्याजदर १३.०३ थियो । चालु आवको सोही अविधमा यस्तो ब्याजदर ११.०८ प्रतिशत छ । यो १५ प्रतिशत हुन आउँछ ।
पछिल्लो समय निक्षेपमा बैंक तथा वित्तीय संस्थाले दिने ब्याजदर घटाएका छन् । जसले गर्दा आधार दर घट्न गएको र यसका कारण कर्जाको ब्याजदर पनि घटेको हो । २०७९ माघमा ९१ दिने ट्रेजरी बिलको भारित औसत ब्याजदर ९.७९ प्रतिशत रहेकोमा २०८० माघमा ३.३४ प्रतिशत छ । बैंक तथा वित्तीय संस्थाहरूबीचको अन्तर बैंक कारोबारको भारित औसत ब्याजदर २०७९ माघमा ५.२९ प्रतिशत रहेकोमा २०८० माघमा ३.०४ प्रतिशत रहेको नेपाल राष्ट्र बैंकले जनाएको छ ।
२०८० माघमा वाणिज्य बैंकहरूको औसत आधार दर ९.०६ प्रतिशत, विकास बैंकहरूको ११.१३ प्रतिशत र वित्त कम्पनीहरूको १२.७० प्रतिशत रहेको छ । अघिल्लो वर्षको माघमा वाणिज्य बैंकहरूको औसत आधार दर १०.७२ प्रतिशत थियो । यो माघमा वाणिज्य बैंकहरूको निक्षेपको भारित औसत ब्याजदर ७.०१ प्रतिशत, विकास बैंकहरूको ८.२६ प्रतिशत र वित्त कम्पनीहरूको ९.४५ प्रतिशत छ । २०७९ माघमा वाणिज्य बैंकहरूको निक्षेपको भारित औसत ब्याजदर ८.४१ प्रतिशत कायम भएको थियो ।
त्यसैगरी, कर्जाको भारित औसत ब्याजदर २०८० माघमा वाणिज्य बैंकहरूको ११.०८ प्रतिशत, विकास बैंकहरूको १२.८५ प्रतिशत र वित्त कम्पनीहरूको १३.९३ प्रतिशत छ । २०७९ माघमा वाणिज्य बैंकहरूको कर्जाको भारित औसत ब्याजदर १३.०३ प्रतिशत कायम भएको थियो ।
.jpg)
_GnRvz8QHio.jpg)
.jpeg)
.jpeg)
.jpg)
.jpg)
प्रतिक्रिया गर्न लग इन गर्नु होस्:
Log in with Google