.png "Win Recruit Nepal"){kind=logo}
काठमाडौं । शाओमीले रेड्मी १२सी मोबाइल नेपाली बजारमा सार्वजनिक गरेको छ । सामान्य प्रयोगकर्तादेखि इमेजिङ र गेमिङका लागिसमेत उत्कृष्ट रहने यो फोनमा मिडियोटक हेलियो जी८५ प्रोसेसर रहेको कम्पनीले जनाएको छ ।
नेपालमा रेड्मी १२सी सार्वजनिक गर्दै शाओमी नेपालका महाप्रबन्धक अमितकुमार पंडाले रेड्मी १२ सीले डिजाइनमा नयाँस्तर ल्याएको बताएका छन् ।
पाँच हजार एमएएचको ब्याट्री रहेको यो फोनमा ५ जीबी थप्न सकिनेगरी ६ जीबी र्याम उपलब्ध छ । एक टेराबाइटसम्म स्टोरेज थप्न मिल्ने फोनमा फिङ्गर प्रिन्ट सेन्सर पनि उपलब्ध छ ।
६.७१ इन्चको एचडीप्लस डिस्प्ले रहेको रेड्मी १२ सीमा ५० मेगापिक्सलको क्यामेरा रहेको छ । रेड्मी १२ सी ३जीबी र्याम र ३२ जीबी स्टोरेज, ४ जीबी र्याम र ६४ जीबी स्टोरेज र ६ जीबी र्याम र १२८ जीबी स्टोरेज गरी तीन भेरियन्टमा उपलब्ध छ । यी तीनवटै भेरियन्टको मूल्य क्रमशः १३,४९९, १४,४९९ र १६,९९९ रुपैयाँ रहेको छ ।
रेड्मीले शाओमी फ्यान फेस्टिभलको अवसरमा उत्कृष्ट अफरको पनि घोषणा गरेको छ । रेडमी १२ सीको कुनै पनि भेरिएन्टको खरिदमा चैत २३ देखि वैशाख १७ सम्म ५०० रुपैयाँ छुट पाउन सकिन्छ ।
.jpg)
_GnRvz8QHio.jpg)
