.png "Win Recruit Nepal"){kind=logo}
काठमाडौं । स्मार्टफोन ब्राण्ड सामसङले ग्यालेक्सी एम१४ एलटीई सार्वजनिक गरेको छ । नयाँ फोनमा ५० एमपी ट्रिपल क्यामरा, ५००० एमएएच ब्याट्री, अत्याधुनिक अक्टा–कोर प्रोसेसर र शक्तिशाली सुविधाहरू रहेका छन् ।
फोनमा एफ१.८ लेन्ससहितको शक्तिशाली ५० एमपी ट्रिपल क्यामेरा सेटअप, १३ मेगापिक्सेलका फ्रन्ट क्यामरा छ । यसमा बलियो ५००० एमएएच ब्याट्री र २५ वाटको द्रुत चार्जिङ सुविधा छ । फोनमा अत्याधुनिक क्वाल्कम स्न्यापड्रागन ६८० अक्टा–कोर प्रोसेसर पनि छ । फोनले ६ जीबीसम्मको र्याम, र थप ६ जीबी भर्चुअल र्यामको सुविधा दिएको छ ।
यसमा ६.७’ पीएलएस एलसीडी इन्फिनिटी यू डिस्प्ले छ। फराकिलो स्क्रिनले टेक–प्रेमी जेन–जेट र मिलेनियल प्रयोगकर्तालाई सोशल मिडिया फिडहरूमार्फत स्क्रोलिङलाई सरल बनाउने कम्पनीको भनाइ छ ।
एम१४ एलटीईमा एन्ड्रोइड १३ प्लेटफर्ममा बनेको वान यूआई ५.१ कोर सुविधा छ। यसका लागि कम्पनीले दुई पुस्तासम्म ओएस अपग्रेड र ४ वर्षको सुरक्षा अपडेटको सुनिश्चितता गरेको छ ।
यो फोन निलो र गाढा निलो रंगमा उपलब्ध छ । यसको ४/६४ जीबीलाई १६ हजार ९ सय ९९ र ६/१२८ जीबीलाई २१ हजार ९ सय ९९ मूल्य तोकिएको छ । यो मोडेल देशभरका सबै रिटेल आउटलेटहरूमा सजिलै उपलब्ध रहेको कम्पनीले जनाएको छ ।
.jpg)
_GnRvz8QHio.jpg)
प्रतिक्रिया गर्न लग इन गर्नु होस्:
Log in with Google