.png "Win Recruit Nepal"){kind=logo}
काठमाडौँ । मौसम पूर्वानुमान महाशाखाले तिहारका मुख्य ४ दिन मौसम कस्तो होला भन्ने विषयमा प्रक्षेपण जारी गरेको छ । तिहार विशेष मौसम बुलेटिन प्रकाशन गर्दै मौसम महाशाखाले लक्ष्मीपूजा (कात्तिक ३) देखि भाइटीका (कात्तिक ६) सम्मको सम्भावित मौसमबारे जानकारी गराएको हो ।
यस्तो छ मौसम पूर्वानुमान:
यस वर्ष तिहारको समयमा उल्लेखनीय मौसम प्रणालीको प्रभाव नरहे तापनि पश्चिमी वायुको सामान्य प्रभावले देशका पहाड भेगमा आंशिकदेखि साधारणतया बदलीसम्म हुन सक्ने तथा पहाड भूभागका एक-दुई स्थानमा फाटफुट वर्षा तथा उच्च हिमाली भू-भागमा हल्का वर्षा/हिमपातको समेत सम्भावन छ।
कार्तिक ३ (लक्ष्मीपूजा): देशका पहाड भेगमा आंशिक बदली तथा बाँकी स्थानमा मौसम मुख्यतया सफा रहने छ। कोसी, बागमती, गण्डकी र कर्णाली प्रदेशका पहाड भूभागका एक-दुई स्थानमा फाटफुट वर्षाको सम्भावना छ।
कार्तिक ४ (औँसी): देशका पहाड भूभागमा आंशिक बदली तथा बाँकी भूभागमा मौसम मुख्यतया सफा रहने छ। कोसी, गण्डकी र कर्णाली प्रदेशका पहाड भूभागका एक-दुई स्थानमा फाटफुट वर्षाको सम्भावना छ।
कार्तिक ५ (गोवर्धन पूजा ): देशको पहाड भूभागमा आंशिकदेखि साधारणतया बदली तथा बाँकी भूभागमा मौसम मुख्यतया सफा रहने छ। कोसी प्रदेश र कर्णाली प्रदेशको उच्च पहाड तथा हिमाल भूभागका एक-दुई स्थानमा हल्का हल्का वर्षा/हिमपातको सम्भावना छ।
कार्तिक ६ (भाइटीका): कोसी र मधेस प्रदेशलगायत देशका बाँकी पहाड भूभागमा आंशिकदेखि साधारणतया बदली तथा बाँकी भूभागमा मौसम मुख्यतया सफा रहने छ। सबै प्रदेशका पहाड भूभागका एक-दुई स्थानमा हल्का वर्षा तथा उच्च पहाडी तथा हिमाली भू-भागका एक-दुई स्थानमा हल्का वर्षा/हिमपातको सम्भावना छ।
1667912853.jpg)
.JPG)
.jpeg)
.jpg)
.jpeg)
प्रतिक्रिया गर्न लग इन गर्नु होस्:
Log in with Google