.png "Win Recruit Nepal"){kind=logo}
काठमाडौं । नक्कली सुन देखाएर २१ लाख ५० हजार ठगी गरेको अभियोगमा दुई जनालाई पक्राउ गरी प्रहरीले आज सार्वजनिक गरेको छ । पक्राउ पर्नेमा सिन्धुपाल्चोक बाह्रबिसे नगरपालिका–५ घर भएर हाल भक्तपुर ठिमी–८ बोडे बस्ने २८ वर्षीय बुद्धिबहादुर तामाङ र नुवाकोट मेगङ गाउँपालिका–८ घर भएर हाल भक्तपुर चागुनारायण–८ सुडाल बस्ने २२ वर्षीय सुमन तामाङ रहेका छन् । काठमाडौं उपत्यका अपराध अनुसन्धान कार्यालयका सूचना अधिकारी एवं प्रहरी उपरीक्षक काजीकुमार आचार्यले जानकारी दिए ।
उनका अनुसार नक्कली सुन देखाएर प्रतितोला एक लाख १० हजारमा दिन्छु भनी प्रलोभनमा पारेर गत फागुन २५ गते ओखलढुंगाका ढकबहादुर बुढाथोकीबाट १२ लाख र जेठ २७ गते दोलखा भीमेश्वर–५ का अर्जुन बस्नेतबाट रु नौ लाख ५० हजार लिएर फरार रहेको अभियोगमा उनीहरूलाई पक्राउ गरिएको हो ।
उनीहरूको साथबाट सुन जस्तो देखिने पहेंलो धातु (एक केजी) एक थान बरामद गरिएको छ । दुवै जनालाई थप अनुसन्धान र कारबाहीका लागि जिल्ला प्रहरी परिसर भक्तपुर पठाइएको सूचना अधिकारी आचार्यले बताए ।
1667912853.jpg)
.JPG)
.jpeg)
.jpg)
.jpg)
प्रतिक्रिया गर्न लग इन गर्नु होस्:
Log in with Google