काठमाडौं । नेपाल प्रहरीका एक जना सई भक्तपुरमा मृत भेटिएका छन् । आज आइतबार बिहान ७ बजे सूर्यविनायक नगरपालिका-८ सिपाडोल,टौखेलस्थित आफ्नै घरमा सई बालकृष्ण उपाध्याय घिमिरे मृत फेला परेका हुन् ।
उनी नेपाल प्रहरी प्रधान कार्यालय १ नम्बर गण नक्सालमा कार्यरत थिए । उनको मृत्युको कारण खुलिसकेको छैन ।
४४ वर्षीय घिमिरे तेस्रो तलामा रहेको आफ्नो कोठाभित्र मृत फेला परेका हुन् । उनको मृत्यु भएको खबरपछि प्रहरी वृत्त जगातीको टोली घटनास्थलमा पुगेको थियो । शव पोष्टमार्टमको लागि दुवाकोटस्थित केएमसी अस्पताल पुर्याइएको छ ।
प्रतिक्रिया गर्न लग इन गर्नु होस्:
Log in with Google