.png "Win Recruit Nepal"){kind=logo}
काठमाडौं । एसीसी यू-१९ एशिया कप अन्तर्गत पाकिस्तानले भारतलाई पराजित गरेको छ । समुह ए अन्तर्गतको आइतबार सम्पन्न खेलमा पाकिस्तानले भारतलाई ८ विकेटले पराजित गरेको हो । भारतले दिएको २६० रनको लक्ष्य पछाएको पाकिस्तानले ४७ ओभरमा २ विकेट गुमाएर लक्ष्य पुरा गरेको थियो ।
यस अघि पहिला ब्याटिंग गर्दै भारतले ५० ओभरमा ९ विकेट गुमाएर २५९ रन बनाएको थियो । यो पाकिस्तानको लगातार दोस्रो जित हो । पाकिस्तानले यसअघि नेपाललाई हराएको थियो । योसँगै समुह ए बाट सेमिफाइनलमा पुग्ने देशको टुंगो भने अन्तिम खेलबाट लाग्ने भएको छ । पाकिस्तानले २ खेल जितेर ४ अंक हासिल गर्दै समुहमा शिर्ष स्थानमा छ भने भारत र अफगानिस्तानले एक एक खेल जितेर २-२ अंकसहित समुहमा दोस्रो र तेस्रो स्थानमा छन् ।
त्यस्तै नेपालले भने आफ्ना दुवै खेलमा हार बेहोरेर सेमिफाइनलको दौडबाट बाहिरिएको छ । अब मंगलबार नेपाल र भारत तथा पाकिस्तान र अफगानिस्तान खेल्ने तालिका रहेको छ ।
.jpg)
प्रतिक्रिया गर्न लग इन गर्नु होस्:
Log in with Google