.png "Win Recruit Nepal"){kind=logo}
सोलुखुम्बु । लिखुपिके गाउँपालिका वडा नम्बर ५ भकान्जे स्वास्थ्य चौकीको लागि एम्बुलेन्स सेवा उपलब्ध हुने भएको छ । उक्त एम्बुलेन्स सेवा हिमालयन गुगे नेपालको आर्थिक सहयोगमा उपलब्ध हुने भएको हो । हिमालयन गुगे नेपालका कार्यकारी निर्देशक टासी फिन्जो, सुष्मा गुरुङ र वडा अध्यक्ष ङिमाछिरी लामा लगायतका व्यक्तिहरुको उपस्थितिमा बैठक बसी आर्थिक वर्ष २०८२/०८३ भित्र नै एम्बुलेन्स सेवा उपलब्ध गराउने निर्णय भएको हो ।
त्यस्तै वडाको तर्फबाट वडाध्यक्ष ङिमाछिरी लामाले मागपत्र प्रस्तुत गरेका थिए । सोही मागपत्र प्रस्तुत गरेसँगै हिमालयन गुगे नेपालका तर्फबाट एम्बुलेन्स सेवा उपलब्ध गराउने प्रतिबद्धता गरिएको जानकारी प्राप्त भएको छ ।
यो खबरसँगै वडावासीहरुले आपतकालीन अवस्थामा एम्बुलेन्स नपाउने तथा चर्को मूल्य तिर्नुपर्ने लगायतका समस्याबाट मुक्त हुने अपेक्षा गरेको वडा अध्यक्ष ङिमाछिरी लामाले दर्पण दैनिकलाई बताए ।
त्यस्तै अध्यक्ष लामाले भने 'एम्बुलेन्स सहयोग गर्नु भएकोमा हामी सम्पूर्ण वडाबसीको तर्फबाट हिमालयन गुगे नेपालको कार्यकारी निर्देशक टाँसी फिनजो सर र उहाँको श्रीमती सुष्मा गुरुङलाई हार्दिक धन्यवाद ज्ञापन गर्दछौं ।'
.jpg)
.jpg)
प्रतिक्रिया गर्न लग इन गर्नु होस्:
Log in with Google